საქართველოს გარემოსა და ბუნებრივი რესურსების დაცვის სამინისტროს ცნობით, შვლის მდგომარეობა კრიტიკულად მძიმე იყო - საბოლოოდ, მას მოტეხილ კიდურებზე განგრენა განუვითარდა.
მათივე ინფორმაციით, ცხოველის გვამის უტილიზაცია დადგენილი პროცედურების დაცვით მოხდება.
”შველი, გარემოსდაცვითი ზედამხედველობის დეპარტამენტის თანამშრომლებისა და ვეტერინარების მეთვალყურეობის ქვეშ, სოფელ მაღრაანში იმყოფებოდა და ყველა საჭირო პროცედურა ადგილზე უტარდებოდა. მისი გადაყვანა, ვეტერინართა კონსულტაციით, ტრანსპორტირებით გამოწვეული მაღალი რისკის გამო, მიზანშეწონილი არ იყო”, - განმარტავენ სამინისტროში.
”გარემოსდაცვითი ზედამხედველობის დეპარტამენტის კახეთის რეგიონული სამმართველოს თანამშრომლები დაუყოვნებლივ გავიდნენ მითითებულ ადგილზე. შველს, რომელიც საავტომობილო მაგისტრალის მიმდებარედ იმყოფებოდა, სამი კიდურის ღია მოტეხილობა აღენიშნებოდა. დაზიანებები ცხოველმა, სავარაუდოდ, ავტოსაგზაო შემთხვევის შედეგად მიიღო”, - აცხადებენ სამინისტროში.
ასევე იხილეთ: "გარემოსდამცველებმა კახეთში იპოვეს შველი, რომელსაც სამი კიდურის მოტეხილობა აღენიშნება"
