2016 წლის 6 აპრილს 10:35 საათზე ცხოველთა მონიტორინგის სააგენტოს საპატრულო პოლიციამ აცნობა, რომ გოთუას ქუჩის მოპირდაპირე მხარეს, მტკვარში ჩავარდნილი იყო ძაღლი, რომელიც იხრჩობოდა. ადგილზე ოპერატიულად გასულმა მობილურმა ჯგუფმა ცხოველი იპოვა სანიაღვრე მილში, საიდანაც ძლიერი დინების გამო, ამოსვლას ვერ ახერხებდა და სასიკვდილოდ იყო განწირული.
რთული ვითარებიდან გამომდინარე, ღონისძიებაში საგანგებო სიტუაციების დეპარტამენტის ქ. თბილისის მთავარი სამმართველოს თანამშრომლები ჩაერთვნენ, რომელთა
პიტბულის ჯიშის ძუ სწორედ დაკარგული როსი აღმოჩნდა.
ის ცხოველთა მუნიციპალურ თავშესაფარში გადაიყვანეს, სადაც ვეტ-ექიმების მიერ პირველადი დახმარება გაეწია.
ცხოველის მოძლიერების პარალელურად, თავშესაფარში მივიდა მისი პატრონი. მან ამოიცნო თავისი ძაღლი, რომელსაც მთელი ამ ხნის განმავლობაში ეძებდა. გიორგიმ და მისმა პიტბულმა როსიმ თავშესაფარი დატოვეს.
როსის ძალიან გაუმართლა - ის დროულად დაინახეს, მაშველებმა მოუსწრეს და შემდგომ ვეტერინარებმა მის მდგომარეობაზე იზრუნეს - სწორედ ამის წყალობით იგი გადარჩა, თუმცა სამწუხაროდ ყველას ასე არ უმართლებს...
ჩვენი დიდი თხოვნაა! - მაქსიმალური ყურადღება მიაქციეთ თქვენს ბინადრებს! ყოველ წუთს! ყოველ წამს! შინ, თუ გარეთ! - რომ არ გაიქცნენ, თორემ მათი მონატრება და არყოფნისგან გამოწვეული სიცარიელე მთელი ცხოვრება გაგაწვალებთ და გულს გატკენთ - მოლოდინით, ქუჩაში აქეთ-იქით ყურებით, ძაღლის ყეფის გაგებითაც კი...
ადამიანები განსაკუთრებით უნდა გავუფრთხილდეთ, რომ არ დავკარგოთ ისინი, ვისაც საკუთარ თავზე მეტად ვუყვარვართ!
თეო ბითაძე სპეციალურად ZooClub.Ge-სთვის