მას უცხო ადამიანებისთვის კისერზე ჩამოკიდებული აქვს ფურცელი, შემდეგი ტექსტით: "მე მქვია ჯენი. სახლიდან არ გამოვქცეულვარ, უბრალოდ მარტო ვსეირნობ. მადლობა."
14 წლის განმავლობაში ჯენი მარტო სეირნობს, რადგან 79 წლის პატრონს - ვერნერ ვაიშედელს მისი დევნა აღარ შეუძლია. მოხუცი ყოველ დილით აღებს ჭიშკარს, ხოლო ცხენი ნაცნობ ქუჩებს მიუყვება.
წლების წინ მთელი ოჯახი ერთად სეირნობდა: ვაიშედელი, მისი ცოლი ანა და კიდევ ერთი ცხენი ჩარლი.
ჯენი განსაზღვრულ მარშრუტს დღეში 8-ჯერ გადის და სახლში ყოველთვის სადილისთვის, დროულად ბრუნდება. შესაძლოა ეს იმიტომ, რომ მისი პატრონის თქმით, შინაურ ცხოველს "მუცელში საათი აქვს" და მან ზუსტად იცის, თუ როდის არის სადილის დრო.
ადგილობრივ მცხოვრებლებს მოსწონთ ჯენისთან შეხვედრა. პოლიცია საქმის კურსშია და იციან, რომ ჯენი გარშემომყოფებისთვის საშიშროებას არ წარმოადგენს.
სოციალურ ქსელში ზოგიერთი ადამიანი აღნიშნავს, რომ ეს პატრონის დაუდევრობაა და გარშემომყოფებისთვის საფრთხის შემცველი, მაგრამ 14 წლის განმავლობაში არასოდეს, არანაირი ინციდენტი არ მომხდარა. ადგილობრივი ვეტერინარის თქმით, ჯეინი საოცრად კეთილი, მშვიდი ცხოველია.
ასევე იხილეთ:
მამაკაცი უზარმაზარ კუსთან ერთად ქალაქის ქუჩებში სეირნობს