ძაღლები კატებთან შედარებით აქტიურად გამოხატავენ თავის სიყვარულს პატრონებისადმი და ბევრად ძლიერ არიან მათზე დამოკიდებულნი. თუმცა, კატები ასევე არ არიან გულგრილნი ადამიანების მიმართ. BBC-ს ახალ ფილმში “კატები ძაღლების წინააღმდეგ” ექსპერტებმა კრის პეკჰამმა და ლიზ ბონნინიმ ვეტერინარებთან და ნეირობიოლოგებთან ერთად, პატრონთან ათწუთიან თმაშამდე და თამაშის შემდეგ 20 შინაური ცხოველის ნერწყვის ანალიზი აიღეს. მათ ოქსიტოცინის (“სიყვარულის ჰორმონის”) დონე აინტერესებდათ.
“ადრე ატარებდნენ ცდებს, რაც აჩვენებდა, რომ ადამიანისა და ძაღლის თამაშის დროს ძაღლი აქტიურად გამოიმუშავებს სიყვარულის ჰორმონს. აი, კატებთან დაკავშირებით ეს ექსპერიმენტი არასოდეს ჩატარებულა”, - აღნიშნა პოლ ზაკმა.
როგორც კვლევამ აჩვენა, ადამიანებთან ურთიერთობას ძაღლებისთვის ექვსჯერ მეტი სიხარული მოაქვთ, ვიდრე კატებისთვის. ძაღლებში ოქსიტოცინის დონე 60%-ით იზრდება, კატებში კი მხოლოდ - 12%-ით.
“პირველ რიგში, ჩვენ გაოცებულები ვართ თუ რამდენად დიდი სიხარული მოაქვს ძაღლებისთვის ადამიანთან ერთად თამაშს. თუმცა ისიც გვაკვირვებს, რომ კატებს ამაზე რაღაც დადებითი ემოცია მაინც აქვთ”, - გაგვიზიარა თავისი შთაბეჭდილება ექსპერიმენტის ავტორმა.
მეცნიერების აზრით, ასეთი შედეგი შეიძლება იმით აიხსნას, რომ კატები ბევრად კარგი მონადირეები არიან, ვიდრე ძაღლები და კვების მხრივ, ადამიანებზე არ არიან ისევე დამოკიდებულნი, როგორც - ძაღლები.
ამასთან, ისინი ძაღლებზე გვიან მოიშინაურეს, ამიტომ კატები ემოციებით ნაკლებად არიან მიჯაჭვულნი პატრონებზე.