ცხენი, სახელად ორქიდეა, რომელიც მსოფლიოში ერთ-ერთ ყველაზე ასაკოვან ცხენად ითვლებოდა, Remus Horse-ის ნაკრძალში (ქ. ესექსი, დიდი ბრიტანეთი) 50 წლის ასაკში მოკვდა.

"The Mirror"-ის ცნობით, ორქიდეა საშენში კარგად ცხოვრობდა. აქ ის დაუმეგობრდა კვიცს, სახელად გინესს. დაბადების დღეზე მან უამრავი მისალოცი ბარათი მიიღო.

ორქიდეა Remus Horse-ში 2014 წლის იანვარში მიიყვანეს მძიმე მდგომარეობაში (კერძოდ, მას კუჭნაწლავის პრობლემა ჰქონდა). ნაკრძალში მან მკურნალობის კურსი გაიარა.

ორქიდეამდე ყველაზე ასაკოვან ცხენად ითვლებოდა 51 წლის შეინი. ისიც აგრეთვე Remus Horse-ის ნაკრძალში ცხოვრობდა. ის 2014 წლის სექტემბერში მოკვდა.

კარგი მოვლითა და კვებითი ხელშეწყობით ცხენი საშუალოდ 25-30 წელს ცოცხლობს. ცხენის ასაკის გარკვევა კბილების ან კანის მიხედვით ხდება. თუ კანი სახეზე, ან მხრებზე ელასტიკურია, ცხოველი ახალგაზრდაა, თუ არა - მაშინ ბებერი.