ანუბისის ტაძართან 8 მილიონამდე მუმიფიცირებული ცხოველის სამარხი აღმოაჩინეს
კარდიფის უნივერსიტეტის (დიდი ბრიტანეთი) არქეოლოგებმა გაარკვიეს, რომ ეგვიპტის უდაბნოში
ჯერ კიდევ მეცხრამეტე საუკუნეში აღმოჩენილი ანუბისის ტაძრის ახლოს მდებარე კატაკომბებში 8 მილიონამდე ცხოველის მუმიფიცირებული ცხედარი იყო ჩამარხული. მათგან 92% ძაღლებს ეკუთვნოდა.
აღმოჩენამ საშუალება მისცა მეცნიერებს გამოეტანათ დასკვნა, რომ ძველ ეგვიპტელებში ანუბისის კულტი, ანუ გარდაცვლილთა სამყაროს ღმერთის, რომელსაც ტანი ადამიანის ჰქონდა, ხოლო თავი ძაღლის ან ტურის, ძალიან პოპულარული იყო.