ერთ საღამოს ბავშვმა დედას უამბო, რომ იქვე, უბანში რაღაც გაბურძგნული და ჭუჭყიანი დარბოდა...
გავრცელდა ხმა... ერთმა გაიგო... მეორემ... მესამე კი, გოგონა, რომელმაც თავისი 3 ძაღლის ისტორიებიდან გამომდინარე, კარგად იცოდა, რა იყო ქუჩის ცხოვრება, ადგა და საძებნელად გაეშურა..
კუკიაზე მეზობლები ამბობდნენ, რომ უკვე 2 წელი "ეს რაღაც" გაბურძგნული და სასტიკად ჭუჭყიანი დარბოდა უპატრონოდ... არავინ იცოდა, საიდან მოვიდა... ზოგი აჭმევდა, ზოგი აგდებდა...
კუკიასთან მართლაც შეეფეთა ეს უცნაური არსება, რომელიც, როგორც ჩანს, ქუჩებისგან დაშინებული მოსწყდა ადგილს და
მისი დაჭერა არ აღმოჩნდა ძნელი... ასეთი დაშინებული და მიტოვებული მაინც ენდო ადამიანებს.
ძაღლი მანქანით პირდაპირ ვეტერინარულ კლინიკაში გადაიყვანეს, სადაც პატარა გაპარსეს, დაბანეს, შეამოწმეს… აღმოჩნდა, რომ ამ აბრეშუმისბეწვიან პუდელს მარჯვენა წინა თათი ნახევრად ქონდა მოჭრილი, ეს არ ჩანდა მის გრძელ ბეწვში, არც სირბილის დროს უშლიდა ხელს... ის, თუ რატომ დაკარგა პატარამ ფეხის ქვედა ნაწილი, ან როგორ გაძლო ამ ნაზმა არსებამ (პუდელები ძალიან აზიზები არიან) 2 წელი ქუჩაში ყინვაში სამუდამოდ უცნობი დარჩება...
უკვე ორი დღეა პუდელი შემფარებელთან არის და სულ სძინავს და სძინავს… კიდევ რამოდენიმე ხანი დასჭირდება მდგომარეობიდან რომ გამოვიდეს, დაისვენოს, დამშვიდდეს, ბოლომდე ენდოს ადამიანებს…
მერე კი…
ეს პატარა 2 წლის წინ ენდო ადამიანს და... სწორედ ამიტომ უკვე ბევრი სიმწარე ნახა.. სახლის ჯიშის უნაზესი ძაღლი - გადაურჩა ქუჩას, ყინვებს... ის იბრძოდა... ამ ბრძოლაში მან დაკარგა ფეხის ნაწილი და არც ამას შეუშლია ხელი სიარულში, სიცოცხლეში... 2 წელი გავიდა... მან გაუძლო და... ისევ ენდო ადამიანს და ახლა უკვე უნდა გავამართლოთ მისი ნდობა! მისი სიყვარული და ერთგულება, რომელსაც ის თავის ახალ პატრონს აჩუქებს!
ეს სილამაზე და საოცრება პატრონს ელოდება! თბილ სახლსა და მასავით მოსიყვარულე და ერთგულ ადამიანს, რომელიც აღარასოდეს მიატოვებს და მთელი გულით შეიყვარებს!
ის თქვენ გელოდებათ!
ცნობისთვის: პუდელი ანტიალერგიულია (ანუ მისი ბეწვი არ არის ალერგიული!), ასევე იგი მსოფლიოში უჭკვიანესი ძაღლების ნუსხაში მეორე ადგილზეა...
თეო ბითაძე სპეციალურად ZooClub.ge-სთვის
