55 წლის ენტონი უელშის თქმით, ძაღლი სელიო მისი შვილია. ისინი ლივერპულში ცხოვრობენ. მამაკაცმა 1,5 წლის სტაფორშირული ტერიერის ჯიშის ძაღლი თავშესაფრიდან აიყვანა და მას შემდეგ 18 ათასი ფუნტ სტერლინგი დაახარჯა.
უელში თავის შვილობილს ატარებს სპეციალური დიზაინით შექმნილი ეტლით, რომელიც 1500 ფუნტ სტერლინგად შეიძინა. ეტლის სავარძლად გადაქცევა მარტივადაა შესაძლებელი. გარდა ამისა, მთელი
წელს ძაღლს აჩუქეს ნამდვილი ავტომობილი, რომელშიც სელიო მარტივად თავსდება. პატრონმა მანქანაში 500 ფუნტ სტერლინგი გადაიხადა, მაგრამ ეს ყველაფერი არაა. უელშის ძაღლს GoPro-ს ბოლო მოდელის ვიდეო კამერაც აქვს.
"სელიო უნიკალური ძაღლია. ის ბევრ ადამიანზე ჭკვიანია", - ამბობს ძაღლის პატრონი.
"როდესაც პირველად სელიო სახლში მოვიყვანე, ძალიან მოწყენილი იყო. ვეტერინარის რჩევით, დიდ დროს ვატარებ მასთან ერთად და ვჩუქნი ბევრ საჩუქარს. მას კვლავ დაუბრუნდა სიცოცხლის ხალისი", - ამბობს უელში.
იმისათვის, რომ ძაღლი ბედნიერი ყოფილიყო, ენტონის 7 თვე დასჭირდა. პატრონი სელიოს დღეში რამდენიმე საათი ავარჯიშებდა. დღეს ცხოველი სრულიად შეცვლილია.
როდესაც პატრონი მიხვდა, რომ ძაღლი ვარჯიშისას მარტივად სწავლობდა სხვადასხვა ილეთს, მრავალფეროვან ტანისამოსში გამოაწყო. შინაური ცხოველის კარადაში 50-ზე მეტი სახის ტანსაცმელი, 5 გვირგვინი და უამრავი სათვალეა განთავსებული.
მამაკაცმა ძაღლის დაბადების დღეზე იქირავა ორადგილიანი ნავი, რათა სელიოსთან ერთად ზღვაში ესეირნა. უელში ოთხფეხა მეგობრის მომდევნო იუბილეზე დიდი წვეულების გადახდას გეგმავს.
ძაღლი ნიჭიერთა შოუზე შეამჩნიეს. დღეს მას იღებენ ფილმში, იწვევენ სხვადასხვა გადაცემაში. იგი საათში 200 ფუნტ სტერლინგს გამოიმუშავებს.
ენტონი სელიოსთვის განსაკუთრებულ დასვენების დღეებს აწყობს - არ პასუხობს სატელეფონო ზარებს და ძაღლს ველოსიპედით ასეირნებს. გარდა ამისა, პატრონი ძაღლს ზურგის, თათებისა და მხრების მასაჟს უკეთებს.
ძაღლმა არაერთი ადამიანი მოხიბლა. ისინი უელშს ძაღლის სანაცვლოდ დიდ თანხას სთავაზობდნენ, თუმცა, მამაკაცი პრინცესა სელიოსთან განშორებას არ ფიქრობს.
