"Daily Mail"-ის ცნობით, ალიასკური მალამუტი კოკო ყველაზე განებივრებული ძაღლია დედამიწაზე. შინაური ცხოველი რვა iPhone 7-ის მფლობელია. მობილურები მას ჩინეთის უმდიდრესი ბიზნესმენის, 30 მილიარდი დოლარის მფლობელის, ვან ზსიანლინის ერთადერთმა შვილმა აჩუქა.



ჩინურ სოციალურ ქსელში გაჩნდა ფოტოები, სადაც ჩანს, თუ როგორ პოზირებს ძალიან კმაყოფილი ცხოველი iPhone 7-ით ნაგებ “კოშკთან”. iPhone 7-ის ფასი ათასი დოლარია. კოკოს პატრონი 560 000 დოლარის მფლობელია.



როგორც ჩანს, ეს ფოტოები Weibo-ზე კოკოს ექაუნთში თავად ვანგმა ატვირთა. კოკოს ექაუნთს 1 900 000 მკითხველი ჰყავს.



ფოტოები 16 სექტემბერს, iPhone 7-ის გაყიდვის პირველ დღესვე დაიდო. პოსტმა ათასობით მოწონება და კომენტარი დააგროვა.



ეს ვანგ სიკონგის პირველი მსგავსი გამოხტომა არ არის. 2015 წლის აპრილში მან გამოაქვეყნა კოკოს ფოტო, რომლის თათებსაც წყვილი Apple Watch-ი ამშვენებდა. თითო მათგანის ღირებულება 1000 დოლარია.



თავად ვანგ სიკონგი კოკოს მოფერებით “ადამიანების ძაღლ პრინცესას” ეძახის. მას აქვს ახალი მანქანა. ძაღლი ყოველთვის პირველი კლასით მოგზაურობს.