თბილისის მერიის მიერ გავრცელებული ინფორმაციით, 4 იანვარს, ღამის საათებში, თბილისის მერიის ცხოველთა მონიტორინგის სააგენტოში შესული შეტყობინების თანახმად, ისნის რაიონში, წალენჯიხის ქუჩაზე, მძიმედ ტრავმირებული, მომაკვდავი ძაღლი იმყოფებოდა.
ადგილზე მალევე გამოცხადდა სააგენტოს მობილური ჯგუფი, რომელმაც ცხოველი მუნიციპალურ თავშესაფარში დაუყოვნებლივ გადაიყვანა. მთელი ღამის განმავლობაში, ძაღლს ოპერაცია და შესაბამისი პროცედურები ჩაუტარდა. თავშესაფრის ვეტპერსონალის ძალისხმევით, მისი გადარჩენა მოხერხდა.
როგორც ZooClub.ge-ს თბილისის მერიის ცხოველთა მონიტორინგის სამსახურში განუცხადეს, ძაღლს ჭრილობა სავარაუდოდ ბლაგვი საგნით აქვს მიყენებული. ცხოველი ვეტექიმების ზე
მომხდარი ფაქტის შესახებ სამართალდამცველებს შესაბამისი საგამოძიებო მოქმედებები დაწყებული აქვთ.