ცნობილი სამეული 15 წლის განმავლობაში ერთმანეთს არ დაშორებიან. ისინი პატარაობაში ერთ-ერთი ნარკოდილერის სახლის სარდაფში აღმოაჩინეს სამართალდამცველებმა, რის შემდეგაც გადაიყვანეს "ახალ კიდობანში".
თავშესაფრის თანამშრომლების თქმით, მეგობრებს კონფლიქტი არასოდეს ჰქონიათ. მათ ძალიან უყვარდათ ერთმანეთი, თუმცა, ეს ფაქტი ველური ბუნების კანონებს ეწინააღმდეგება.
რამდენიმე თვის წინ ლომს აღმოაჩნდა უკურნებელი სენი - არაოპერაბელური ღვიძლის კიბო, რის შედეგადაც ვეტერინარები იძულებულნი გახდნენ ცხოველისთვის ევთანაზია
თავშესაფარში ამბობენ, რომ ბოლო დროს ლომს ტკივილისგან თითქმის არ ეძინა და საკვებსაც არ იღებდა. ავადმყოფობის პერიოდში ის მეგობრებს არ დააშორეს. ბალუ და შერხანი მას გამყოფი მავთულიდან ეკონტაქტებოდნენ.
ლეოს ევთანაზიის შემდეგ "ახალი კიდობანის" სპეციალისტები შიშობენ, რომ დათვსა და ვეფხვს შესაძლოა, დეპრესიული ფონი განუვითარდეთ, ამიტომ მიიღეს გადაწყვეტილება, განსაკუთრებული ყურადღება დაუთმონ მათ და სხვადასხვა საინტერესო თამაშით გაართონ.
იხილეთ ცნობილი სამეულის ისტორია:
ბალუ, ლეო, შერხანი - ისე, როგორც ზღაპარში