ბინდის შემთხვევაში შეიძლება ითქვას, რომ ის თავისი მშობლის ასლია. მისი მამა სტივ ირვინი მსოფლიოში ცნობილი ნატურალისტი, ველური ცხოველების ექსპერტი და ტელეგადაცემების სერიაში “ნიანგებზე მონადირე” იყო. სტივ ირვინი 2006 წელს სკაროსის ნაკბენის შედეგად დაიღუპა.
ირვინის საქმე მისმა ცოლმა ტერიმ და ორმა
შვილმა, ბინდიმ და რობერტმა განაგრძეს. სამივე ქალაქ ბირვას და კვინსლენდის ზოოპარკებში განაგრძობენ მუშაობას, ასევე მონაწილეობენ ცხოველების შესახებ ტელეგადაცემებში. რობერტი და ბინდი ცხოველების გარემოცვაში გაიზარდნენ, არ ეშინიათ მათი და მათ ქცევებთან დაკავშირებული რისკების შესახებ ყველაფერი იციან.
ახლა ბინდი 19 წლისაა. იგი სულ პატარა ასაკიდან დაყვებოდა მამას სხვადასხვა გადაცემაში გადაღებების დროს და მაშინაც კი არ ეშინოდა, როდესაც მამა მას ნიანგის ზურგზე სხვამდა.
“3 წლის ასაკში მივხვდი, რომ ჩვენ მხოლოდ კი არ მოვდივართ ზოოპარკში და ვათვალიერებთ ცხოველებს, ჩვენ ვცხოვრობთ ამ ზოოპარკში და ის ჩვენი ცხოვრების უზარმაზარი ნაწილია”, - ამბობს ბინდი.მისი თქმით, მამამისი ცხოველებისა და ველური ბუნების ყველაზე დიდი დამცველი იყო.
ბინდს და ირვინს სოციალურ ქსელში აქვთ საკუთარი ანგარიში, სადაც ასობით ათასი გულშემატკივარი ჰყავთ. ბინდისთვის შხამიან ტარანტულთან ჩახუტება დიდად არ განსხვავდება საყვარელ კოალასთან ჩახუტებისგან. მთავარია, არ გააკეთოს მკვეთრი მოძრაობა და ესმოდეს, თუ როდის შეიძლება გახდეს ცხოველი აგრესიული.
“როდესც მამაჩემი გველებთან, ან ვეფხვებთან მუშაობდა, ის არასოდეს ცდილობდა მათ “დაჩაგვრას”, რომ დაენახებინა საკუთარი პირველობა. ის ეწყობოდა მათ ქცევას. მამა ველური ბუნების ნამდვილი დამცველი იყო”, - ამბობს ბინდი.