ძროხის ფერდში აკეთებენ ხვრელს, სადაც ათავსებენ სპეციალურ მილს, რომელიც აღწევს კუჭამდე. ასევე, მას აქვს რეზინის სარქველი, რაც ახდენს სპეციალური თავსახურის დალუქვას. ეს ვეტერინარებსა და ფერმერებს ეხმარებათ, გააკონტროლონ ცხოველის საკვების გადამუშავების პროცესი და მისთვის შეარჩიონ სპეციალური დიეტა. გარ
ყველა ფერმერმა იცის - იმისათვის, რომ ძროხამ გამოიმუშაოს ბევრი რძე, აუცილებელია სხვადასხვა ბაქტერია, რომლებსაც ცხოველი მცენარეული საკვების გადამუშავების დროს იღებს. ე.წ. ფისტულა კი მნიშვნელოვან როლს ასრულებს. თუ ძროხას ამ მხრივ პრობლემა შეექმნება, ხვრელის საშუალებით ორგანიზმში შეჰყავთ მისთვის აუცილებელი საკვები ელემენტები.
ფისტულა ფერმერს საშუალებას აძლევს, შეაფასოს საკვები და ძროხას შეურჩიოს ოპტიმალური რაციონი. ადამიანების უმეტესობას არ მოსწონს მსგავსი დამოკიდებულება ფერმის ცხოველებისადმი და თვლიან, რომ ამ ექსპერიმენტს სარგებელი მხოლოდ მცირე წარმოებისთვის მოაქვს, თუმცა, არსებობენ ისინი, რომლებიც თვლიან, რომ ძროხისთვის ოპერაცია სასარგებლოა.
სპეციალისტები თვლიან, რომ მუცლის არეში გაკეთებული ხვრელი ძროხის სიცოცხლის ხანგრძლივობას ხელს უწყობს. ეს აკონტროლებს ჭარბ წონას და ფერმერს აქვს საშუალება უკეთ იზრუნოს ცხოველზე, თუმცა, თავად განსაჯეთ, რამდენად ჰუმანურია ფერმის ბინადრებისთვის მსგავსი ქმედება.