ტაილანდში მცხოვრები კატა მიბუნი სოციალურ ქსელში ძალიან პოპულარული გახდა. ის წევს მანქანის მინაზე გაკეთებულ ჰამაკში და მშვიდი მუსიკის ჰანგებზე ნებივრობს.

მიბუნი პატარაობიდან ბავშვის საფენებს ატარებს, რადგან მას შარდის უნებლიე შეუკავებლობა აწუხებს.



ვიდეოს გავრცელებიდან რამდენიმე დღეში 9 მილიონზე მეტი ნახვა ჰქონდა. მის პროფილს კი 200 000-ზე მეტი მოწონება აქვს.



უნდა აღინიშნოს, რომ კატას ადამიანების სიყვარული მხოლოდ ვიდეო რგოლით არ დაუმსახურებია. მას მძიმე წარსული ჰქონდა. პატრონმა ცხოველი ხუთი წლის წინ ტაილანდის ერთ-ერთ სანაპიროზე ცოცხალმკვდარი იპოვა. გარდა ამისა, კნუტს კანი საშინლად გაღიზიანებული ჰქონდა.



ვეტერინარების შემოწმების შემდეგ, მას შარდის უნებლიე შეუკავებლობა დაუდგინდა, ხოლო კუდის ძირითადი ნერვი დაზიანებული იყო. ექიმების თქმით, დროთა განმავლობაში ცხოველის უკანა თათები სრულიად პარალიზებული იქნებოდა.



მიუხედავად ამისა, პატრონმა არ დაიშურა  დრო და ენერგია, რათა მიბუნს სრულფასოვანი ცხოვრება ჰქონოდა, თუ არ ჩავთვლით, ბავშვის საფენებით სიარულს.