დამორჩილება
ეს ძაღლი ცდილობს გადაურჩეს თავდამსხმელს და იღებს დამორჩილების პოზას, რითაც მიანიშნებს, რომ საფრთხეს არავის უქმნის.
ძაღლი თავდასხმამდე გარკვეულ რიტუალს ასრულებს.
სიავის დაცხრობა
არსებობს გადმოცემები, თუ რა როლს ასრულებდნენ წარსულში ავი ძაღლები. მათ იყენებდნენ ბრძოლებში და დაუნდობელ მოდარაჯეებად. უკვე 100 წელზე მეტია, რაც ძაღლების გამოფენები ეწყობა და ყოველთვის იყო გარკვეული ჯიშების აგრესიის
ბრძოლის რიტუალი
ნამდვილ თავდასხმაზე გადასვლამდე ძაღლები ატარებენ თავისებურ რიტუალს, რომელიც ძალიან სწრაფად სრულდება და ხშირ შემთხვევაში დროულად მისი შემჩნევა ძნელია. მათ ზედა ტუჩი სულ უფრო მაღლა ააქვთ და კბილებს აჩენენ, იმავდროულად ღრენას უმატებენ – ამ ვიზუალური და ხმოვანი გაფრთხილებით გამოხატავენ აგრესიულ განწყობას. ამას ძაღლი უფრო შესაშინებლად აკეთებს, ვიდრე ნამდვილი თავდასხმისთვის. თუ მოწინააღმდეგე გაიქცევა, აგრესიაც გაუქრება და მხოლოდ მოკლე მანძილზე თუ გამოედევნება, თანაც ფიზიკურ ზიანს არ მიაყენებს – უბრალოდ გაქცევის საშუალებას მისცემს. მაგრამ თუ მეტოქემ ადგილიდან ფეხი არ მოიცვალა, გაიმართება ორთაბრძოლა. დაიმახსოვრეთ, რომ ლეკვები არ არიან აგრესიულები. სოციალიზაცია და სწორი გაწვრთნა, კასტრაციასთან ერთად კარგი წინა პირობაა საიმისოდ, რომ ძაღლებმა ზრდასრულ ასაკშიც შეინარჩუნონ მშვიდობისმოყვარეობა.
მესაკუთრის აგრესია
მართალია, დიდი ძაღლები ხშირად ყველაზე აგრესიულები ჰგონიათ, მაგრამ მათ არც ფინიები ჩამოუვარდებიან, რადგან გამეტებით და მტკივნეულად იკბინებიან. ბევრი ფინია ნაკლებად ავლენს ტერიტორიულ აგრესიას, თუმცა იქცევა როგორც მესაკუთრე. ეს ხშირად დაკავშირებულია საყვარელ სათამაშოსთან _ არ უნდა, სხვას დაუთმოს. მნიშვნელოვანია, ლეკვობიდანვე გაწვრთნათ ცხოველი _ ბრძანებაზე დააგდოს ნივთები და მშვიდად მოგცეთ პირის გახსნის ნება. ამით ზრდასრულ ძაღლთან ამგვარი სირთულეები აღარ შეგექმნებათ.
ცრუ მაკეობა
ეს ძალზე სპეციფიკური მდგომარეობა გვხვდება გაუნაყოფიერებელ ძუებში უკანასკნელი სისხლდენიდან დაახლოებით რვა კვირის შემდეგ. ცრუ მაკეობა იწყება ძუს ქცევის შეცვლით: იგი მოუსვენარია და შესამჩნევად ეჩვევა ერთ რომელიმე სათამაშოს, რომელსაც თან დაატარებს. თუ შეეცდებით მის წართმევას, აშკარად გაავდება და შეიძლება გიკბინოთ კიდეც. ჰორმონული ცვლილებების გამო უვითარდება მაკეობის ნიშნები, მაგალითად, უდიდდება სარძევე ჯირკვლები, ზოგჯერ ეწყება რძის გამოყოფაც. ლეკვების არარსებობის გამო მას თავისი დედობრივი სიყვარული სათამაშოზე გადააქვს და ნებისმიერ ფასად იცავს.
რჩევა
ძაღლები აგრესიას უფრო გარშემომყოფთა შესაშინებლად ავლენენ, ვიდრე საჩხუბრად.
ფრთხილად!
ხვადის კასტრირება აგრესიის შესამცირებლად მიზანშეწონილია შედარებით ადრეულ, როგორც წესი, 6-12 თვის ასაკში.