კონკურსის წარმოშობა
სიმარჯვეში ძაღლების შეჯიბრების იდეა გაჩნდა 1970-იანი წლების მიწურულს კრაფტის ცნობილ გამოფენაზე ლონდონში (ინგლისი). თავდაპირველად შეჯიბრება ეწყობოდა საცხენოსნო სპორტული შეჯიბრების მსგავსად, მოგვიანებით კი მთელ მსოფლიოში გავრცელებულ სპორტად იქცა. თუმცა დღესაც არ არსებობს შეჯიბრების სტანდარტები და მონაწილე
სლალომი
ძაღლისთვის ეს ერთ-ერთი ყველაზე რთული წინააღმდეგობაა აჯილითის კურსში. მან პირველ ბოძს უნდა შემოუაროს მარცხენა მხრიდან, შემდეგ გაძვრეს და გამოძვრეს დანარჩენ ბოძებს შორის ისე, რომ ერთიც არ გამოტოვოს. ბოძები შეიძლება იყოს თორმეტზე მეტი, მათ შორის დაშორება _ 51სმ-მდე.
წინააღმდეგობები
კონკურსში მონაწილე ძაღლებს მრავალი წინააღმდეგობის გადალახვა მოელით.
წვრთნის დაწყება
სიმარჯვეში ძაღლს ხშირად ლეკვობიდანვე წვრთნიან. ამისთვის ძალზე მნიშვნელოვანია ელემენტარული პირობების უზრუნველყოფა, მაგალითად, სიმაღლეზე ხტომისთვის ხარიხის სიმაღლის დარეგულირება ისე, რომ ძაღლმა თავი არ დაიზიანოს. შესაძლებელია, კონკურსში სავარაუდო მონაწილე ძაღლი სახლშიც გაწვრთნათ, მაგრამ უფრო მიზანშეწონილი იქნება თქვენი მისვლა ადგილობრივ კლუბში, სადაც სპეციალისტები ბევრ საკითხში დაგეხმარებიან. თქვენ მოგეთხოვებათ ძაღლის გვერდით ირბინოთ მითითებების მისაცემად (სიმარჯვის ტიპური კურსისთვის საჭიროა 30 X 30 მ ტერიტორია), ამიტომ შეიძლება თავადაც დაგჭირდეთ ვარჯიში. ასევე აუცილებელია, კონკურსის დაწყებამდე კარგად გაეცნოთ მის პირობებს.
სულის მოთქმა
სიმარჯვეში წვრთნის კურსი წინააღმდეგობის დაძლევას ითვალისწინებს და ყველაფერი როდია სიჩქარეზე გათვლილი. კურსის ერთ-ერთი ნაწილია გაჩერება სპეციალურ მაგიდაზე, სადაც ძაღლმა უნდა შეისვენოს _ როგორც წესი, ხუთი წამით დაწვეს ან დაჯდეს.
კიბეები და დაფები
სიმარჯვეში წვრთნის განუყოფელი ნაწილია დაბრკოლებებზე ცოცვით ასვლა-ჩამოსვლა. ეს შეიძლება იყოს გორაკი – შეერთებული ორი დახრილი ფიცარი, ბუმი –1 მ სიმაღლეზე მდებარე ბაქანი, რომლისკენაც ქვემოდან მოემართება ორი დაფა. არის გადასასვლელებიც – შემაღლებული ბაქანი და მიწიდან მისკენ მიმავალი რამდენიმე დაფა. ძაღლს ევალება ინსტრუქტორის მიერ მითითებულ დაფებზე ასვლა-ჩამოსვლა. უფრო რთულია საქანელა – ამ დროს ძაღლი საყრდენზე მოძრავად დამაგრებული ფიცრის ერთ მხარეს მიირბენს და მასზე შედგება. ფიცარი მისი წონის გამო დაეშვება, ძაღლმა კი მასზე უნდა გაირბინოს და მეორე მხარეს მიაღწიოს. ამ დავალების შესრულებას პატარა ძაღლები ოდნავ მეტ დროს ანდომებენ, რადგან წონა ნაკლები აქვთ, ამიტომ მათ დამატებითი დრო ეძლევათ.
გვირაბები
ტერიერის ტიპის ძაღლებს ყველაზე მარჯვედ გამოსდით შეჯიბრება გვირაბის გავლაში. გვირაბი სწორხაზოვანი ან დახვეულია, ისეთი სიგანის, რომ ძაღლმა მასში გავლა ადვილად შეძლოს. არსებობს ე.წ. რბილი გვირაბი – მოკლე ცილინდრი, რომლის ერთ ბოლოში მიმაგრებულია სიგრძეზე გაკერილი ქსოვილი. ძაღლმა მასში უნდა გაიკვლიოს გზა და გარეთ გამოვიდეს.
ხტომები
სახტომი ბარიერები სხვადასხვაგვარია. მისი ხარიხები განლაგებულია ერთიმეორის ზემოთ ან გარკვეული კუთხით, რათა ძაღლმა ორმაგი ან სამმაგი ნახტომის გაკეთება შეძლოს. ხარიხის სიმაღლე ძაღლის სიმაღლის მიხედვით უნდა დარეგულირდეს.
ბორბალი
შეჯიბრების მონაწილე ძაღლები სალტეში, ამ შემთხვევაში ბორბალში, ხტებიან.
მასალა მომზადებულია "პალიტრა L"-ის მიერ გამოცემული წიგნის "რაზე მეტყველებს ძაღლის ქცევა" მიხედვით