"ინსტაგრამის მილიონი მომხმარებლის საყვარელი კატა ლილ ბობი ამ ქვეყნიდან წავიდა,"- წერს სოციალურ ქსელში შინაური ცხოველის პატრონი მაიკლ ბრიდავსკი.
მამაკაცის თქმით, ლილ ბობი კვირას ღამით, ძილში მოკვდა. ის ძვლის ინფექციის აგრესიული ფორმით იტანჯებოდა.
გამოცემა Wired-მა მომხდარს "სიკვდილის წყალობა" უწოდა და განაცხადა, რომ ლილ ბობთან ერთად ინტერნეტში პოპულარული კატების მთელი ეპოქა დასრულდა.
ლილ ბობი გენეტიკური მუტაციით დაიბადა. კბილების არ ქონის გამო, მას ენა მუდმივად გარეთ ჰქონდა.
კატამ ინტერნეტ სივრცეში პოპულარობა 2011 წელს მოიპოვა, როდესაც მისი ფოტო Tumblr-ზე მოხვდა. შინაური ცხოველის ცხოვრების შესახებ დოკუმენტური ფილმიც გადაიღეს- "ლილ ბობი და მეგობრები, ხოლო პატრონმა მაიკლ ბრიდოვსკიმ კონცეფციური მუსიკალური ალბომი კატის გამოსახულებით გამოუშვა. ამასთანავე, შეიქმნა ლილ ბობის ასლის სხვადასხვა ნივთები, რომლებსაც მისი თაყვანისმცემლები სპეციალურ მაღაზიებში ყიდულობენ.