კადრებში კარგად ჩანს, თუ როგორ გაჰყავს რანჩოს პატრონს თვისი ცხენი ცეცხლმოკიდებული ტერიტორიიდან, რაც შეიძლება მოშორებით, მაგრამ გადარჩენილი ცხოველი კვლავ უკან ბრუნდება, რათა თავისი ნაშიერი და ფაშატი (მდედრი ცხენი) გადაარჩინოს.
ხანძარმა სიმი-უელის რანჩო მოიცვა. პატრონი თავისი ცხენების გადარჩენას ცდილობს.
კვამლი იმდენად ფარავდა ტერიტორიას, რომ ჟურნალისტმა ვერ გაარჩია, თუ რომელ რანჩოზე იმყოფებოდა.
გადარჩენილი შავი ცხენი კვლავ თავლისკენ გაიქცა, რათა თავისი ნაშიერი და მდედრი ცხენი გადაერჩინა.
ცხენმა ცეცხლმოკიდებული ადგილიდან კვიცი და დედა ცხენი გამოიყვანა.
სულ რაღაც 3 საათში ხანძარმა 400 ჰექტარი მიწა გაანადგურა.
კადრები ცეცხლმოკიდებული რანჩოდან
ათობით ათასი ადგილობრივი მაცხოვრებელი ევაკუირებული იქნა, მათ შორის იყვნენ ცნობილი ადამიანები.
ცხენები უსაფრთხო ადგილზე გადაიყვანეს
ყველა ცხენი უსაფრთხო ადგილზე გადაიყვანეს, გარდა 28 წლის მაიერჰუსისა, რომელმაც ცეცხლმოკიდებული ტერიტორიიდან გაქცევისას, წინა ფეხები მოიტეხა. სამწუხაროდ, მაშველები და პატრონი იძულებულნი გახდნენ, ის ადგილზევე დაეძინებინათ.
ფერმერი ფაბილო ლოსურდო თავის ცხენს ამშვიდებს (სიმი-უელი, კალიფორნიის შტატი)
ლოს-ანჯელესის ცხოველთა გადარჩენის ცენტრის წარმომადგენელთა ინფორმაციით, ისინი მზად არიან, ცხენები მიიღონ და საჭირო დახმარება გაუწიონ. ცხოველები მათი მფარველობის ქვეშ იქნებიან იმ დრომდე, სანამ პატრონები მათ წაყვანას არ შეძლებენ.
რანჩოს მფლობელს თავისი ცხენი ცეცხლმოკიდებული ტერიტორიიდან გამოჰყავს
ქარიშხალი სიტუაციას ართულებს, რის შედეგადაც ხანძარი ვრცელდება.
ფერმერი საქათმეში ხანძრის ჩაქრობას ცდილობს
2017 წლის დეკემბერში ხანძარ "თომასს", რომელმაც სანტა-ბარბარასა და ვენტურას ტერიტორიები მოიცვა, 54 ცხენი შეეწირა.
წყარო: dailymail.co.uk
