მოვლენები ზღვისპირა შარანტას დეპარტამენტში ვითარდება. მამალ მორისს და მის პატრონს - ქორნი ფესოს, მეზობლად მცხოვრები მოხუცი ქალები უჩივიან. ხნიერი მეზობლების ადვოკატი კომპენსაციის სახით 1000 ევროს ითხოვს. ეს თანხა ზღვაში დაღუპულ მეზღვაურების ფონდში გადაირიცხება.
მეზობლების სასამართლო დავა, მამლის ყივლითან დაკავშირებით, პირველი შემთხვევა არ არის: რადიო სადგურის "Europe 1"-ის ინფორმაციით, ჯერ კიდევ 2017 წელს პენსიონერებმა განაცხადეს, რომ დროა, მამლის ხმაურს ბოლო მოეღოს. იმ დროს, მორისის
4 ივლისს გამართულ სასამართლოზე არ გამოცხადდა არც მოსარჩელე მხარე და არც "ფრთიანი დამნაშავე". განხილვის ძირითადი თემაა, თუ სად ცხოვრობენ მოხუცები - ქალაქში თუ მის ფარგლებს გარეთ. ადვოკატი აცხადებს, რომ ადგილი, სადაც მისი კლიენტები ცხოვრობენ უდაოდ ქალაქის ტერიტორიას მიეკუთვნება. იქ მამლის ყივილი არ უნდა ისმოდეს.
სასამართლო განაჩენს 5 სექტემბერს გამოიტანს.
"Euronews"-ი აღნიშნავს, რომ პროცესს თვალს ადევნებენ მეფრინველეობის ფერმების ადგილობრივი მფლობელები, რომლებიც სასამართლო განაჩენს ელოდებიან და თავიანთ მეურნეობაზე ღელავენ.
ამასთანავე, სოფელ ჟირონდას მერმა თავისი ინიციატივით მამლის პატრონს თანადგომა გამოუცხადა. ეს უკანასკნელი ხელისუფლებას თხოვნით მიმართავს, რომ სოფლის მეურნეობის ხმები "საფრანგეთის ნაციონალურ ღირსშესანიშნაობად" გამოცხადდეს.
