ABC-ის სერიალის Castle-ის მსახიობებმა ​ ჯულიანა და სიმუს დევერებმა, საქართველოში მოგზაურობისას,  გორის ერთ-ერთ ავტოგასამართ სადგურზე გასაცოდავებული ლეკვი იპოვეს. წყვილმა ცხოველი უპატრონოდ ვერ მიატოვა და გადაწყვიტეს მასზე ეზრუნათ.

დევერები საქართველოში არსებულ ორგანიზაცია Dog organization Georgia-ს დაუკავშირდნენ, რომლებმაც 3 თვის ლეკვი შეიფარეს, თუმცა ოთხფეხა ბინადრის წარმატება ამით არ დასრულებულა. 

მსახიობებმა ტვიტერზე ლეკვის ამბავი გაავრცელეს, რის შემდეგაც იღბლიან ცხოველს კალიფორნიაში პატრონიც გამოუჩნდა. 



ამ ეტაპზე ცხოველი თავშესაფარში რჩება. მას ყველა საჭირო პროცედურებს ჩაუტარებენ, გარდა ამისა, დაუმზადებენ ამერიკაში გასამგზავრებელ საბუთებს და სულ მალე ჰოლივუდში ერთ-ერთი ცნობილი პროდიუსერის სახლში დაიდებს ბინას.