წითელ წიგნში შესული ბექობის არწივის მართვე სოფელ ქვემო ბოდბის მიმდებარედ ბრაკონიერმა მოკლა, ამის შესახებ სოციალურ ქსელში ინფორმაციას ფოტოებთან ერთად ავრცელებს არასამთავრობო ორგანიზაცია  SABUKO - Society for Nature Conservation-ი:

"სამწუხაროდ გვიწევს გაცნობოთ რომ გადაშენების პირას მყოფი ბექობის არწივის მართვე (სახელად SABU 03), რომელსაც საბუკომ 2017 წელს GPS გადამცემი დაუმაგრა 2019 წლის 11 მარტს, სოფელ ქვემო ბოდბის მიმდებარედ, ბრაკონიერის მიერ იქნა მოკლული. მის გვამს სწორედ ჩვენი გადამცემის საშუალებით მივაკვლიეთ.



უკანასკნელ სამ წელიწადში, 13 დანიშნული არწივიდან 11 სხვადასხვა მიზეზების გამო დაიღუპა. სტატისტიკა მეტად დრამატულია და ჩვენი მხრიდან დაუყოვნებელ ქმედებებს მოითხოვს. აღნიშნულთან დაკავშირებით უახლოეს მომავალში შეგატყობინებთ."



წყარო: SABUKO - Society for Nature Conservation​