თუმცა, გარეული ცხოველების ნაწილს ამის უნარი არ შესწევს, განსაკუთრებით მათ, ვისზეც არა მტაცებლები, არამედ ადამიანები ნადირობენ - მაგალითად, სპილოები, რომლებსაც ბრაკონიერები ეშვებისთვის ესხმიან თავს.
ზოგიერთ ქვეყანაში ადამიანები თვლიან, რომ სპილოს ძვალს აქვს ჯადოსნური სამკურნალო თვისებები.
ბრაკონიერები უზარმაზარ ცხოველებს ხშირად ესვრიან ვერტმფრენიდან, რის გამოც სპილოს არ აქვს საშუალება, თავი დაიცვას ან გაიქცეს.
მიუხედავად იმისა, რომ არ არსებობს ამის მეცნიერული საფუძველი, სპილოს დაფხვნილი ძვალი კვლავ კოლოსალურ თანხად იყიდება აფრიკისა და აზიის უამრავ ქვეყანაში.
ამის ფონზე, თითქოს დედაბუნება ბრაკონიერებს ებრძვის თავისი იარაღით - ევოლუციით. როგორც "National Geographic"-ის სტატიაშია აღნიშნული, ბუნებრივი შერჩევა, როგორც ჩანს, დადებითად აისახა ამ უზარმაზარ ცხოველზე. კერძოდ, საუბარია სპილოს დაბადება და განვითარება ეშვის გარეშე.
სპილოები მუტაციას განიცდიან ბრაკონიერობის წინააღმდეგ.
გამოცემა "National Geographic"-ის წყაროზე დაყრდნობით, მოზამბიკელი მეცნიერები ცდილობენ მათი გენეტიკის გაგებას - ეს მოიცავს ეშვის გარეშე განვითარებას. ასევე, ამ თავისებურებათა დამაკავშირებლებს.
ადრე, მოზამბიკის ბინადარ 2-დან 4%-მდე მდედრობით სპილოს არ ჰქონდა ეშვი, მაგრამ დღევანდელი მონაცემებით, ეს ციფრები სამჯერ გაიზარდა.
სპილოს ქცევის ექსპერტი და National Geographic Explorer-ი, ჯოის პული, განმარტავს, რომ ბრაკონიერობა აისახება სპილოებზე არა მხოლოდ პოპულაციის მხრივ, არამედ ევოლუციის თვალსაზრისითაც.
პულის თქმით, სპილოებს, რომლებსაც ეშვები არ ეზრდებათ, ნადირობამ მისცა ბიოლოგიური უპირატესობა, რადგან ბრაკონიერები ფოკუსირდებიან იმ ცხოველებზე, რომლებსაც ეშვები აქვთ და სხვებს არ ეხებიან.
2000 წლის დასაწყისში მდედრი სპილოების 98%-ს (დაახლოებით 174 ინდივიდი) არ ჰქონდა ეშვები.
სპეციალისტების თქმით, ეს მოვლენა ნათელი მტკიცებულებაა ბრაკონიერთა ზემოქმედებისა, თუ როგორ მოქმედებს ეს ცხოველთა პოპულაციაზე, რომელსაც მიჰყავს ევოლუციურ, საოცარ ადაპტაციამდე.
წყარო: nationalgeographic