ცერემონიალის მსვლელობისას, მომღერალმა შეიტყო, რომ მისი საყვარელი ცხენი არაბელა კვდებოდა. სცენაზე გამოსვლის შემდეგ, ლედი გაგამ სასწრაფოდ დატოვა ღონისძიება და აღნიშვნის ნაცვლად, თავის ოთხფეხა მეგობართან გამომშვიდობება გადაწყვიტა.
მოგვიანებით, მომღერალმა ინსტაგრამის საკუთარ გვერდზე გამოაქვეყნა თავისი ცხენის ფოტო, რომელსაც შემდეგი კომენტარი დაურთო: "მშვიდობით, ჩემო ანგელოზო."
ლედი გაგას ულამაზესი ცხენი
ფოტო კომენტარებში მომღერალმა განმარტება გააკეთა ღონისძიებიდან უეცარი წასვლის შესახებაც.
"ბედნიერი ვარ, რომ "საუკეთესო სიმღერის" და "საუკეთესო მსახიობის" ნომინაციებში ჯილდო მივიღე. ჩემი გული სიამაყით სავსეა, თუმცა, გული დამძიმებული მაქვს, რადგან უეცრად შევიტყვე, რომ ჩემი საყვარელი ცხენი, ჩემი არაბელა კვდებოდა."
"ჩვენ სულიერად ერთმანეთთან ახლოს ვიყავით. როდესაც მას ტკიოდა, მეც ვიტანჯებოდი. არასოდეს დამავიწყდება ჩვენი ერთად გატარებული წუთები - ხანგრძლივი სეირნობა, ორცხობილის დაგემოვნება... ის ყოველთვის იქნება ჩემი ნაწილი, თუმცა, ძალიან გულდაწყვეტილი ვარ. დაე, შენი ტკივილი დასრულდეს და სამოთხის კარი შენთვის გაიღოს", - წერს ლედი გაგა ინსტაგრამის საკუთარ გვერდზე.
წყარო: today.com