Daily Star-ის ინფორმაციით, ჯარისკაცებმა საპასუხო ცეცხლი გახსნეს, თუმცა, ტერორისტები სახლებში იმალებოდნენ და ისროდნენ. სწორედ ამ დროს საქმეში სამხედრო ძაღლი ჩაერთო. მას მოხსნეს ალიკაპი და იმ სახლებისკენ გაუშვეს, სადაც მოწინააღმდეგეები იმალებოდნენ. რამდენიმე წუთის შემდეგ ჯარიკაცებს განწირული ხმები მოესმათ, ხოლო სროლა შეწყდა.
როგორც მოგვიანებით აღმოჩნ
როდესაც შემთხვევის ადგილზე პატრული მივიდა, მათ იპოვეს ძაღლი, რომელიც მკვდარი მებრძოლის გვერდით იჯდა - მას ძაღლმა ყელში უკბინა და სისხლისგან დაცლილიყო. სხვა ჯიჰადისტები გაიქცნენ.
ბელგიური ნაგაზი თავის პატრულთან ერთად
"ძაღლი და ჯარისკაცები არ დაშავებულან. მათ ტერიტორია მშვიდად დატოვეს", - ამბობს დანაყოფის მეთაური.
ეს ინციდენტი რამდენიმე თვის წინ მოხდა, თუმცა, უსაფრთხოების მიზნით, ამის შესახებ საზოგადოებამ ახლა შეიტყო. ექვსივე ჯარისკაცი შემთხვევის შესახებ აცხადებს, რომ გმირმა ძაღლმა მათი სიცოცხლე გადაარჩინა.
მოგვიანებით გაირკვა, რომ ჯიჰადისტები სოფელში შევარდნენ, მათ რამდენიმე ადგილობრივი აწამეს და შეიტყვეს პატრულის სოფელში მისვლის დრო, ხოლო შემდეგ დააშინეს სხვა ადგილობრივებიც, რათა ჩასაფრების შესახებ ინფორმაცია არ გაევრცელებინათ.
დანაყოფის მეთაურის თქმით, სოფელში სიმშვიდეა, ჯიჰადისტები იქ აღარ არიან და ტერიტორიას ადგილობრივი პოლიცია აკონტროლებს.
