ბრაზილიის პირველი ლედი, მარსელა ტემერი შვილთან ერთად პრეზიდენტის სასახლის ბაღში სეირნობდა, როდესაც ტბაში ჩავარდნილი უმწეო ძაღლი შენიშნა. ეს აღმოჩნდა პირველი ლედის შინაური ცხოველი - ჯეკ რასელ ტერიერის ჯიშის ძაღლი, სახელად პიკოლო, - წერს საკუთარ პორტალზე "BBC"-ი.
პიკოლომ წყალში რაღაც შენიშნა და ჩახტა, თუმცა, ნაპირზე ამოსვლა ვეღარ შეძლო. შეშინებული მარსელა ძაღლის დასახმარებლად ტბაში გადაეშვა.
სიახლოვეს იმყოფებოდა დაცვის თანამშრომელი, რომელმაც ძაღლის დახმარებაზე უარი განაცხადა. ამ ინციდენტის შემდეგ, ის სამსახურიდან გაათავისუფლეს.
