სოფლის მეურნეობის სამინისტროს ცნობით, 30 აპრილს 07:00 საათიდან დაიწყება შემდეგი სოფლების ტერიტორიების დამუშავება: ზუგდიდის მუნიციპალიტეტი: სოფელ ცაიში, სოფელი შამგონა; ხობის მუნიციპალიტეტი: სოფელი საგვიჩიო; სენაკის მუნიციპალიტეტი: სოფელი დიდიხორში, სოფელი მენჯი; აბაშის მუნიციპალიტეტი: სოფელი კეთილარი, სოფელი პირველი მაისი, სოფელი სუჯუნა; ლანჩხუთის მუნიციპალიტეტი: სოფელი ნიგოითი, სოფელი ქვიანი, სოფელი ჯაპანა; ვანის მუნიციპალიტეტი: სოფელი ყუმური, სოფელი შუამთა, სოფელი ჭვიში, სოფელი ჯაგანჭვიში; სამტრედიის მუნიციპალიტეტი: სოფელი ტოლები, სოფელი დაბლაგომი, სოფელი საჯავახო.
ქიმიურ წამლობის არეალი და ვადა მონიტორინგის საფუძველზე განისაზღვრება. ამჟამად მიმდინარეობს ქიმიური დამუშავება იმ ფართობების, სადაც დამჭერებზე მავნებლის ზღვრული ოდენობა დაფიქსირდა. ამ მიზნით მუნიციპალიტეტების მიხედვით მობილიზებული და გადანაწილებულია ტექნიკა. პარალელურად გრძელდება მონიტორინგი, რომლის შედეგებიც თავს იყრის აბაშის მუნიციპალიტეტში არსებულ საკოორდინაციო შტაბში, ელექტრონულ ბაზაში. ასევე, დაგეგმილი და მიმდინარე ღონისძიებების შესახებ დამატებითი ინფორმაციის ნახვა შესაძლებელია გვერდზე: parosana.ge.
