Phys.org–ის ცნობით, Gaius villosus–ის სახეობის ობობამ, რომელიც ავსტრალიის დასავლეთშია გავრცელებული, 43 წელი იცხოვრა.
"რამდენადაც ჩვენთვისაა ცნობილი, ეს ყველაზე ასაკოვანი ობობაა, რომლის შესახებაც ჩანაწერები არსებობს", – აღნიშნავს ჟურნალ "Pacific Conservation Biology"–ში პუბლიკაციის თანაავტორი ლეანდა მეისონი. ამ დრომდე რეკორდსმენად ითვლებოდა ტარანტული, რომელიც მექსიკაში 28 წლის ასაკში მოკვდა.
Gaius villosus–ის სახეობის ობობები Idiopidae–ის ოჯახს განეკუთვნება. ეს მსხვილი და შხამიანი ობობები შესახედავად ტარანტულებს გვანან.