გორილამ თავისი ახალდაბადებული ნაშიერი ხელში აიყვანა და ჩაკოცნა (+ვიდეო)
20.04.2018
Video Portal
Next video
ვაშინგტონის ზოოლოგიური პარკის თანამშრომლები დიდი სიხარულით შეხვდნენ პატარა
გორილას დაბადებას. გასულ კვირას, 16 წლის კალაიმ, რომელიც დასავლეთის დაბლობის გორილას სახეობას მიეკუთვნება, პირველი შვილი გააჩინა. ახალგაზრდა დედამ ახალშობილი მოკი ხელში აიყვანა და ჩაკოცნა. ზოოპარკის თანამშრომლებს საშუალება მიეცათ, გადაეღოთ ემოციური წუთები - დედა გორილას დამოკიდებულება ახალშობილთან.
გასულ წელს კალაის შეურჩიეს პარტნიორი - 26 წლის მამრი ბარაკა. წყვილის შექმნისთვის ნაციონალური ზოოლოგიური პარკის სპეციალისტებმა იხელმძღვანელეს საერთაშორისო "გორილების მონაცემთა ბაზით", რადგან აუცილებელი იყო მომავალი დედ-მამის გენეტიკური თავსებადობის შესწავლა.