ამ დრომდე მეცნიერებისთვის უცნობი ლემურის სახეობა ამერიკელმა სპეციალისტებმა მადაგასკარში აღმოაჩინეს. ცხოველს ცნობილი პრიმატოლოგის საპატივცემულოდ მისი სახელი დაარქვეს.

ახალ სახეობას Cheirogaleus grovesi-ი (მინიატურული გროვესი) უწოდეს. ავსტრალიელმა მეცნიერმა პოლინ გროვესმა თავისი ცხოვრება პრიმატების კვლევას მიუძღვნა, მათ შორის - ლემურების. 

ნახევრად მაიმუნის სხეულის სიგრძე, სულ რაღაც 17 სმ-ია. ამასთან ერთად, ცხოველის კუდი 28 სმ-ს აღწევს. არსებული სახეობა, გარდა რამდენიმე თვისებისა, თავისი ნათესავებისგან თითქმის არაფრით განსხვავდება. 

სპეციალისტების ინფორმაციით, მინიატურული ლემურები მადაგასკარის სამხრეთ-აღმოსავლეთ ნაწილში ბინადრობენ.



ზოოლოგები მიიჩნევენ, რომ ლემურების გრძელვადიანმა შესწავლამ, შესაძლოა, ისინი მიიყვანოს მოულოდნელ აღმოჩენამდე. Global Wildlife Conservation-ის სპეციალისტების თქმით, მადაგასკარზე შესაძლოა, კიდევ აღმოჩნდეს ლემურების რამდენიმე ათეული ქვე სახეობა.

სპეციალისტები აღნიშნავენ, რომ აღმოჩენილი ქვე სახეობების უმეტესობა გადაშენების პირას მყოფ ცხოველების რიგს მიეკუთვნებიან.