სამწუხაროდ, ალეკო ელისაშვილმა და ზაალ უდუმაშვილმა გაგზავნილ მოთხოვნაზე საერთოდ არ გვიპასუხეს.
ელენე ხოშტარიამ აღნიშნა, რომ მას აქვს კონკრეტული გეგმა და მისთვის ეს თემა მეტად მნიშვნელოვანია, მაგრამ, როგორც ჩანს, წინასაარჩევნო მოუცლელობის გამო, ამ გეგმის ჩვენთვის მოწოდება ვეღარ მოხერხდა.
კახა კალაძე ამ საკითხის მოგვარებას მოსახლეობასთან, მედიასთან ერთ-ერთი საუბრისას
„ქუჩის ბინადარი ცხოველების, მათი პოპულაციის პრობლემას თანამედროვე და ჰუმანური მიდგომა სჭირდება. ჩვენ მოვაწესრიგებთ ამ საკითხს. ცხოველებს ჩაუტარდებათ აცრები, ასევე, ხელს შევუწყობთ ცხოველთა თავშესაფრების და ზოგადად, ამ სფეროს თანამედროვე მიდგომებით განვითარებას“, - განაცხადა კახა კალაძემ.
თუმცა, მისი პრესსამსახურის წარმომადგენლის განცხადებით, ეს თემა „პროგრამაში კონკრეტულად გაწერილი არაა".
ზოოკლუბი ყველა კანდიდატს მომავალ არჩევნებში წარმატებას უსურვებს. აქვე აღვნიშნავთ, რომ ეს თემა ჩვენთვის აქტუალობას არასდროს კარგავს და თუ რომელიმე კანდიდატმა თავისი შეხედულებების ჩვენი მკითხველისთვის გაცნობა მოისურვა, აუცილებლად გამოვაქვეყნებთ არჩევნებამდე იქნება ეს, თუ მის შემდეგ.
ნატალია სლეპაკოვა სპეციალურად ZooClub.ge-სთვის