თბილისის ტერიტორიაზე სადისტურად დახოცილი ძაღლები იპოვეს
თბილისის ტერიტორიაზე სადისტურად დახოცილი ძაღლები იპოვეს
თბილისში, ათამდე დახოცილი ძაღლი აღმოაჩინეს. ამ ფაქტთან დაკავშირებით ინფორმაციას "საქართველოს ცხოველთა დაცვისა და გადარჩენის საზოგადოება" (GSPSA) თავის ოფიციალურ ვებ-გვერდზე აქვეყნებს.

გთავაზობთ უცვლელად:

"2017 წლის 01 ივნისს მოქალაქის მიერ თბილისის მუნიციპალიტეტის ტერიტორიაზე დიდგორის გზის პირას შემთხვევით აღმოჩენილი იქნა ათამდე დახოცილი ძაღლი და ამ ძაღლის ლეშებთან დაყრილი სამი ცოცხალი ლეკვი.

თვითმხილველმა, ბატონმა ა. ა-მ საკუთარი Facebook-ის გვერდზე გამოაქვეყნა ფოტოები და ინფორმაცია, რომლის თანახმად, თბილისის ტერიტორიაზე, სოფელ დიღმის ბოლოს აღმოაჩინა 10 მკვდარი ძაღლი და 4 ცოცხალი ლეკვი. მან გამოიძახა თბილისის მერიის სამსახური და
საპატრულო პოლიცია (ინფორმაცია შეგიძლიათ მოიძიოთ “112-დან”).

ფაქტის ფოტომასალა გადაღებულია თვითმხილველის მიერ 2017 წლის 01 ივნისს.

Zooclub

ამ ეტაპზე GSPSA აწარმოებს ინფორმაციების მაქსიმალურ მოძიებას თბილისის მუნიციპალიტეტის მერიის სსიპ “ცხოველთა მონიტორინგის სააგენტოდან” და თვითმხილველისგან.

Zooclub

GSPSA დარწმუნებულია, რომ აღნიშნული სისასტიკე განხორციელებულია ამ ძაღლების პატრონის (პატრონების) მიერ ან მისი უშუალო დავალებით. სავარაუდოთ, ამ ძაღლების უმრავლესობა არის ჯიშიანი. საფუძვლიანი ეჭვია, რომ ეს ძაღლები იყვნენ ცხვრის ფარის ან რქოსანი პირუტყვის ფერმის დამცველები, რომლებიც პატრონმა მოიშორა სადისტური მეთოდით და გადაყარა, როგორც ნაგავი. GSPSA ასევე დარწმუნებულია, რომ სისასტიკის ფაქტი განხორციელებულია ერთდოულად ყველა ცხოველზე და ჯგუფურად, ვინაიდან ცხოველების რაოდენობა არის 10 ერთეული.

Zooclub

GSPSA საფუძვლიანი ეჭვი შეაქვს იმ გარემოებაში, რომ ეს შემზარავი ფაქტი დარჩება უყურადღებოდ და სამართალდამცავი სტრუქტურისაგან გამოძიება შეწყდება, არ მოხდება დამნაშავის დადგენა და მის მიმართ არ აღიძვრება სისხლის სამართლის საქმე. ამ ეჭვის საფუძველს ამყარებს ის გარემოება, რომ პოლიციამ არ ჩაატარა დახოცილი ძაღლების იდენფიცირება, ცხოველების ლეშები არ გადააგზავნა შესაბამის დაწესებულებაში (ლაბორატორია, ვეტერინარული კლინიკა და ა.შ) ექსპერტიზისათვის სიკვდილის გამომწვევი მიზეზის დასადგენად. ცხოველთა ლეშები გადატანილი იქნა “ცხოველთა მონიტორინგის სააგენტოს” სამსახურის მიერ ბეიკერის ორმოში, სადაც მოხდა ლეშების გაუვნებელყოფა და განადგურება. შესაბამისად, აღარ შეიძლება არსებობდეს ექსპერტიზის დასკვნა ცხოველების სიკვდილის გამომწვევი მიზეზის თაობაზე. პრაქტიკულად და თეორიულადაც უკვე შეუძლებელია დადგენა ცხოველის სიკვდილის მიზეზზე, ხოლო მიზეზი შეიძლება ყოფილიყო: ცხოველთა მოწამვლა, ფიზიკური ზემოქმედება, ცეცხლსასროლი იარაღით მკვლელობა, ცივი იარაღით მკვლელობა, საკვებისა და წყლის არ მიწოდება და სხვა.



“ცხოველთა მონიტორინგის სააგენტოს” ინფორმაციით, გადარჩენილი 4 ლეკვი გადაყვანილი იქნენ მუნიციპალურ თავშესაფარში.

GSPSA მიმართავს და თხოვს ნებისმიერ პირს, რომ ამ ძაღლების შესახებ ნებისმიერი ინფორმაცია მიაწოდონ მეილზე: info@gspsa.org.ge. კონფედენციალობა იქნება დაცული.

GSPSA უფლებამოსილია მიმართოს საქართველოს მთავარ პროკურატურას ამ ფაქტის შესახებ საქმის კონტროლზე აყვანის მიზნით.

GSPSA მოუწოდებს სამართალდამცავ სტრუქტურებს, რომ მოხდეს ობიექტური გამოძიება და პასუხი აგოს დამნაშავემ."

_ _ _
GSPSA  მოუწოდებს სამართალდამცავ სტრუქტურებს, რომ მოხდეს ობიექტური გამოძიება და პასუხი აგოს დამნაშავემ.
ასევე, GSPSA მიმართავს და თხოვს ნებისმიერ პირს, რომ ამ ძაღლების შესახებ ნებისმიერი ინფორმაცია მიაწოდონ მეილზე: info@gspsa.org.ge.  კონფედენციალობა იქნება დაცული.


წყარო

mia
ალბათ ორთაბრძოლები წააგეს :( და წაგებული ძაღლი ასეთი უვარგისი პატრონისთვის აღარაფერს ნიშნავს.
manana-sh
,,ავსა და კარგსა კაცისას როდი ივიწყებს სოფელი", ასეა ეს! მალე მოგეწევათ ცოდვა მკვლელებო!
!!!
სულ ცოტა ხანში მკვლელებს საყვარელ ადამიანებზე საშინელი სასტიკით გადახდებათ, ეს ასეა, ძალიან ბევრი მაგალითები ვიცი, ერთი შემთხვევა ჩემს თვალწინ მოხდა, მაშინაც ასე დარწმუნებული ვიყავი!!!
KATO
ამ ძაღლების მკვლელებს სული უნდა გაუმწარდეთ, ძაღლები ხომ უერთგულესი, თავგანწირული მეგობარებია.
ლინა
ძაღლის ყოფა და ცხოვრება, სანატრელი გაუხდებათ ვინც ეს ძაღლები დახოცა. არ გეშინია მკვლელო?...
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?