ახალ ზელანდიაში ჩატარდება როდეო, სადაც ცხოველებს ცხვრის ტყავში გამოწყობილი ადამიანები შეცვლიან. გამომცემლობა "The Age"-ის ცნობით, ორგანიზატორების ეს ნაბიჯი როდეოში ნამდვილი ცხვრების მონაწილეობის აკრძალვას მოყვა.

გასულ წელს ცხოველების შეცვლა სცადეს მატყლის ტომრებით, რომლებსაც თოკებით კლოუნები დაატარებდნენ. ექსპერიმენტმა არ გაამართლა. წელს სხვა ვარიანტი გამოიცდება: ცხვრის ტყავში გამოწყობილი ადამიანები.

ორგანიზაცია SAFE-ი, რომელიც ცხოველების ექსპლოატაციის წინააღმდეგ გამოდის, ადამიანებს ამ შეჯიბრის სრული ბოიკოტისკენ მოუწოდებს.

”ჩვენ გვეუბნებიან: აი, ცხოველების გამოყენების კიდევ ერთი საშუალება გართობისთვის. მათზე კი არავინ ფიქრობს”, - ამბობს ორგანიზაციის წარმომადგენელი მარიანა მაკდონალდი.

როდეო - ჩხდილოეთ ამერიკაში სპორტის ტრადიციული სახეობა, რომელიც მექსიკელ და ამერიკელ კოვბოებს შორის ჩამოყალიბდა. როდეოში შედის: ველური ხარებითა და ცხენებით ჯირითი, ლასოთი დაჭერა და ხარის წაქცევა.

2014 წელს მეხიკომ უარი თქვა ცხოველების საცირკო სანახაობებში გამოყენებაზე. მექსიკის სხვა ნაწილებში ასეთი აკრძალვა მანამდეც მოქმედებდა.