აჭარა ფრინველებზე დაკვირვების საერთაშორისო ფესტივალს მასპინძლობს (+ფოტო)
აჭარა ფრინველებზე დაკვირვების საერთაშორისო ფესტივალს მასპინძლობს (+ფოტო)
აჭარა ფრინველებზე დაკვირვების საერთაშორისო ფესტივალს მასპინძლობს. აჭარის ტურიზმის დეპარტამენტის ცნობით, სოფელი სახალვაშო, სოფელი შუამთა, ჭოროხის დელტა, კოლხეთის ნაციონალური პარკი და ბოტანიკური ბაღი ის ადგილებია, საიდანაც მტაცებელ ფრინველთა მიგრაციას 25 ქვეყნის ორნითოლოგი და ამ დარგით გატაცებული ტურისტი აკვირდება. ფრინველებზე დაკვირვების ფესტივალი რეგიონში აჭარის ტურიზმის დეპარტამენტისა და ბუნების კონსერვაციის საზოგადოება SABUKO-ს ორგანიზებით იმართება.

მათივე ინფორმაციით, ფესტივალის ფარგლებში ტურისტული სააგენტოების, გიდების, სკოლის მოსწავლეებისა და სტუდენტებისთვის ტარდება ლექციები და პრეზენტაციები ფრინველებზე დაკვირვების ტურიზმის, ასევე, ფრინველთა მიგრაციისა და რეგიონში უკანონო ნადირობის ფენომენის შესახებ. ფესტივალის ბოლო დღეს
კი, შაუმთის სადამკვირვებლო პლატფორმაზე იგეგმება შემაჯამებელი ღონისძიება, სადაც მტაცებელ ფრინველთა კონსერვაციისა და უკანონო ნადირობის შესახებ
მოსახლეობის ცნობირების ამაღლების კუთხით გაწეულ ცხრაწლიან საქმოანობას ამ მიმართულებით მომუშავე ორგანიზაციები შეაჯამებენ.

„აჭარა მსოფლიოში ფრინველთა მიგრაციის ერთ-ერთ უდიდეს კორიდორად ითვლება და ის მსოფლიოს ოთხეულში შედის. გასულ წელს რეგიონს 1,055,302 მტაცებელმა ფრინველმა გადაუფრინა. შესაბამისად, ფრინველებზე დაკვირვების ტურიზმი რეგიონში წლიდან წლამდე უფრო და უფრო მეტ ტურისტსა და სპეციალისტს იზიდავს მსოფლიოს სხვადასხვა ქვეყნიდან. მიმდინარე წელს, რეგიონში მტაცებელ ფრინველთა მიგრაციას ისეთი ქვეყნების ორნითოლოგები და ამ დარგით გატაცებული ტურისტები აკვირდებიან როგორებიცაა: ბელგია, ჰოლანდია, ინგლისი, ამერიკა, საფრანგეთი, ესპანეთი, იტალია, შვედეთი, ავსტრალია და სხვა. შესაბამისად, იზრდება რეგიონში ტურიზმის ამ დარგიდან მიღებული შემოსვალებიც“,- განაცხადა აჭარის ტურიზმის დეპარტამენტის თავმჯდომარე მამუკა ბერძენიშვილმა.

იხილეთ ფოტოგალერეა
გალერეა
კომენტარი ჯერ არ გაკეთებულა
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?