ნადირობა
რადიკალური პროგრამა განადგურებაზე გათვლილია 34 წელზე. ჩინოვნიკების აზრით, სწორედ ეს დრო დასჭირდება სახელმწიფოში ყველა იმ ცხოველის განადგურებას, რომლებიც ადგილობრივ ფაუნას ემუქრება.
პირველ რიგში, მტაცებლების გამო, ზარალდება კივი - უნიკალური უფრთო ფრინველი, რომელიც მხოლოდ ახალ ზელანდიაში ბინადრობს. ხელისუფლების მონაცემებით, ყოველ კვირას 20 კივი კვდება, ამჟამად მათი რაოდენობა 70 000-ზე
ფრინველი კივი
ხელისუფლების გეგმაშია, გაანადგურონ ოპოსუმები, დედოფალები, ვირთხები და თაგვები. სპეციალისტების აზრით, ყველაზე ძნელი იქნება ქალაქში არსებული მღრღნელების განადგურება. ამასთან, ახალი ზელანდიის ტყისა და ფრინველების დაცვის სამეფო საზოგადოება ოპტიმისტურად აფასებს ქვეყანაში მავნებლებთან ბრძოლის წარმატების შანსებს.
მოცემულ მომენტში ცალკეული სახეობის ცხოველების განადგურებისთვის საჭირო კვლევებისთვის მთავრობამ 28 მილიონი დოლარი გამოყო. ამასთან, მოხდება ამ ცხოველების პოპულაციის კონტროლისთვის ეფექტური მეთოდების ძებნა, თუმცა, არც მათი განადგურების ტრადიციულ მეთოდებს, როგორიცაა პესტიციდები, დაივიწყებენ.
მტაცებელი ცხოველების განადგურება დიდ სისასტიკედ შეიძლება მოგვეჩვენოს, მაგრამ საჭიროა იმის გათვალისწინება, რომ დასაწყისში ახალი ზელანდიის ეკოსისტემა მათზე არ ყოფილა გათვლილი. კუნძულზე ადამიანის გაჩენამდე ძუძუმწოვრები პრაქტიკულად არ არსეობობდნენ.
მაორებმა (აბორიგენები, რომლებმაც პირველად დაასახლეს ეს კუნძულები) თან პოლინეზიული ვირთხები და ძაღლები მოიყვანეს. სხვა მტაცებლები მოგვიანებით ევროპელებმა შემოიყვანეს. ამ კუნძულებისთვის უცხო ცხოველებით დასახლებამ ახალი ზელანდიის უნიკალური ეკოსისტემის დარღვევა გამოიწვია, ხოლო ფრინველები გადაშენების საშიშროების ქვეშ აღმოჩნდნენ.
წყარო