ქალაქ გორში მერიის მიუსაფარ ცხოველთა თავშესაფრის ინიციატივით ახალბაღის ტერიტორიაზე, ცენტრალურ შესასვლელთან 16:00 საათზე ძაღლებისა და ლეკვების გაჩუქების აქცია ჩატარდა.
აქციის წევრებმა სოლიდარობა გამოუცხადეს უსახლკარო ცხოველებს. მათ ფერადი პლაკატებით გამოხატეს საკუთარი დამოკიდებულება მიუსაფარი არსებების მიმართ.
აქციაზე გაყვანილი 8 ლეკვიდან და 5 ძაღლიდან გაჩუქდა 3 ლეკვი და 1 ძაღლი.
ღონისძიებას ქ. გორის მერიის საკრებულოს თავმჯდომარის მოადგილე, ზურაბ როსებაშვილი და საკრებულოს სხვა წარმომადგენლები დაესწრნენ.
აქცია გააშუქეს "თრიალეთისა" და "დიას" ტელევიზიებმა.
იხილეთ ფოტოგალერეა
იხილეთ
თეო ბითაძე სპეციალურად ZooClub.ge-სთვის