ამერიკაში ლაბრადორ რეტრივერი 25 წელია პირველობას ინარჩუნებს ყველაზე საყვარელი და პოპულარული ძაღლის ჯიშებს შორის. სწორედ ამას მოწმობს ამერიკული ქენელ კლუბის (AKC) მონაცემები.
ლაბრადორის ჯიში რეკორდული პერიოდის განმავლობაში პირველ ადგილს არავის უთმობს, თუმცა, ახლო მომავალში შესაძლოა, ეს მონაცემები შეიცვალოს.

"უნივერსალურმა და მიმზიდველმა ლაბრადორ რეტრივერმა ნამდვილად დაიმკვიდრა თავისი ადგილი ისტორიაში, თუმცა, მიაქციეთ ფრანგულ ბულდოგს ყურადღება, რომელიც ბოლო 10 წლის განმავლობაში 32 ადგილით წინ წაიწია და შეჩერებას არ აპირებს."-ამბობს კლუბის ვიცე-პრეზიდენტი ჟანა დინარდო.

2015 წლის მონაცემებით, საერთაშორისო მასშტაბით, ყველაზე პოპულარულ ძაღლებს შორის, ფრანგულმა ბულდოგმა მე-6 ადგილი დაიკავა.

ყველაზე პოპულარული ძაღლების ათეული საერთაშორისო მასშტაბით ასე გადანაწილდა:

1. ლაბრადორ რეტრივერი;

2. გერმანული ნაგაზი;

3. ოქროსფერი რეტრივერი;

4. ინგლისური ბულდოგი;

5. ბიგლი;

6. ფრანგული ბულდოგი;

7. იორკშირული ტერიერი;

8. პუდელი;

9. როტვეილერი;

10. ბოქსიორი;

ასევე იხილეთ:

როგორ მოვუაროთ ძაღლს

ძაღლის ფასები, პოპულარული ჯიშები და გამოუცდელი მყიდველების მოტყუების ხრიკები თბილისში