სურსათის ეროვნულ სააგენტოს საქართველოს მთავრობის დადგენილებით დაევალა ტრანსმისიული დაავადების გადამტანი მწერების, მათ შორის კოღოების წინააღმდეგ ქიმიური ღონისძიებების ჩატარება. მონიტორინგის ჯგუფმა მწერების ძლიერი გავრცელების კერები - ალაზნისპირა სოფლები და დაჭაობებული ტერიტორია შეარჩია. ქიმიური ღონისძიება თერმული ნისლის ტექნოლოგიით, პრეპარატ დეცისის გამოყენებით ჩატარდება. აღნიშნული მეთოდი კოღოების გასანადგურებლად ფართოდ
თერმული ნისლის ტექნოლოგიით წამლობა აბსოლუტურად უსაფრთხოა ადამიანებისა და გარემოსთვის. სააგენტო მოუწოდებს მოსახლეობას, წამლობის პროცესში 15-20 წუთის განმავლობაში მოერიდონ კვამლში მოხვედრას. ქიმიური დამუშავების შემდეგ სასოფლო-სამეურნეო პროდუქცია უვნებელია ადამიანის ჯანმრთელობისთვის.
სპეციალისტების განმარტებით, ბიოლოგიური თავისებურებიდან გამომდინარე, მავნებელი უფრთხის მაღალ ტემპერატურას და აქტიურდება საღამოს საათებში, ამიტომაც წამლობა მზის ჩასვლის შემდეგ, საღამოს საათებში ჩატარდება.
სურსათის ეროვნული სააგენტო აღნიშნულ ღონისძიებას 2015 წლის მიზნობრივი პროგრამის "მცენარეთა დაცვა და ფიტოსანიტარული კეთილსაიმედოობის" ფარგლებში ახორციელებს. წამლობის ჩატარება დასავლეთ საქართველოშიც იგეგმება.
