მიუხედავად დამაფრთხობელი შეფერილობის და შიშისმომგვრელი ვერტიკალური თვალის გუგისა, ეს თვალი მტაცებელს არ ეკუთვნის . თვალი ერთი უწყინარი ხის ბაყაყის გახლავთ.

მისი ლათინური დასახელებაა Agalychnis callidryas, რომელიც გამოდის ბერძნული სიტყვებისგან kallos - "ლამაზი" და dryas - "ხის ნიმფა".

წითელთვალა ბაყაყი ღამის ცხოვრებას ეწევა, თუმცა მისი თვალები ამისთვის დიდად არ არიან ადაპტირებულნი იმის გამო, რომ საკმაოდ მცირე შუქის მგრძნობელობით ელემენტს შეიცავენ.

გამჭვირვალე ფირფიტა თხელი ბადისებრი ნახატით - გარსი, რომელიც მოძრაობს თვალის დახუჭვის დროს - თვალს დასვენებისას იცავს, რაც თვალდახუჭულ ბაყაყს გარეშე არეს დაკვირვებაში ხელს არ უშლის.