"ადამიანებო, არ აკოცოთ ძროხებს!" - ავსტრიის ხელისუფლება მოსახლეობას მიმართავს
ავსტრიის ხელისუფლება ახალი ინტერნეტ გამოწვევის წინააღმდეგ გამოდის და მოუწოდებს პროექტის მონაწლეებს, რომლებიც ძროხებს კოცნიან. აღნიშნული კამპანია მობილური აპლიკაციის, "Castl"-ის შემქმნელებმა გაავრცელეს. პროექტის ფარგლებში, შვეიცარიის და სხვა გერმანულენოვანი ქვეყნების მცხოვრებლები ქველმოქმედების სანაცვლოდ ძროხებს კოცნიან.

ამოცანის არსი შემდგომში მდგომარეობს: აკოცო ძროხას, გადაიღო ფოტო და განათავსო სოციალურ ქსელში, "ჰეშთეგით":  #KuhKussChallenge-ი.  ღონისძიების მიზანი ქველმოქმედებისთვის ფულის შეგროვებაა.

არაერთმა ადამიანმა ძროხასთან ერთად გადაღებული ფოტო ჰეშთეგით სოციალურ ქსელში განათავსა, თუმცა, შვეიცარიის ხელისუფლება იდეას აკრიტიკებს. 

ავსტრიის სოფლის მეურნეობის მინისტრმა ელისაბედ კასტინგერმა კი პროექტი "საშიშად" მიიჩნია, რადგან ძროხა შესაძლოა, აგრესიული
აღმოჩნდეს.

Zooclub

"მდელოები და საძოვრები
- ეს ზოოპარკი არ არის. მსგავსმა ქმედებამ შესაძლოა, გამოუსწორებელი შედეგი გამოიწვიოს", - ამბობს კასტინგერი. სოფლის მეურნეობის მინისტრმა გაიხსენა 2014 წელს ტიროლის მთებში მომხდარი ინციდენტი, როდესაც ნახირმა გერმანელი ტურისტი გათელა. 2019 წლის თებერვალში ამავე ძროხების მფლობელს დაევალა დაღუპულის ოჯახისთვის 500 ათასი ევროს გადახდა. გადაწყვეტილებამ ფერმერების აღშფოთება გამოიწვია - მათთვის ეს "მთის საძოვრების დასასრულს" ნიშნავდა.

ინციდენტის შემდეგ, ტურისტებსა და ფერმერების შორის ურთიერთბალანსი ხელისუფლების ღელვის მიზეზი გახდა. ავსტრიის ხელისუფლებამ მთის წესებიც კი გამოაქვეყნა, სადაც ტურისტებს მოუწოდებენ, ძროხებისგან თავი შორს დაიჭირონ.

"მსგავსი გამოწვევა ხელს უშლის ჩვენს ძალისხმევას, რომელიც ტურისტებისა და ფერმერების თანაარსებობის დარეგულირებას ეხება. არსებული გამოწვევა ჩემს აღქმას ცდება", - ამბობს ავსტრიის სოფლის მეურნეობის მინისტრი.

წყარო: dailymail.co.uk
სოსო
სასაცილოა არ არის?ძროხისაგან უფრო მეტ ჭკუას ითხოვენ,ვიდრე ადამიანისაგან და თან ძროხის პატრონს აჯარიმებენ,ძროხის გაუნათლებლობის გამო.ჩვენი კანონმდებლობითაც ძროხის პატრონს სთხოვენ პასუხს,თუ ძროხას ავტომანქანა დაეჯახა.არა და ძროხა თუ შეშინდა და დაფრთხა,სამ კაცს რომ ეჭიროს თოკით,მაინც ვერ გააჩერებ.საქონლის სულადობა მცირდება საქართველოშიო.ერთ ერთი მიზეზი ესეც არის.პარლამენტში რომ ხმოსანი რქოსნები სხედან,მაგათ გონებამდე კი ეს ვერაფრით მივიდა.ჩემ მეზობლის ბოჩოლას დაეჯახა მანქანა,საღამოს ბინდში ვერ დაინახა მძღოლმა,ძროხას გვერდი აუარა და ბოჩოლას,რომელიც სავალი ნაწილის საპირისპირო ზოლზე იყო ჯერ კიდევ,იქ დაეჯახა.ბოჩოლა ჯერ ისევ ცოცხალი იყო და პატრონმა სასწრაფოდ სასაკლაოზე წაიყვანა დასაკლავად,მას პატრულის დასაცდელად დრო არ ჰქონდა.პატრულმა კი მძღოლის ჩვენების საფუძველზე გააკეთა ნახაზი,ძროხის პატრონის დედას მოაწერინეს ხელი და სასამართლომ 7000 ლარი ჯარიმა დააკისრა.ავტომანქანა დაზღვეული იყო,ეს პატრონის დედა,90 წლისაა და მის სახელზე მოვიდა ჯარიმა.არ ვიცი,რა გაგრძელება ექნება ამ ამბავს,მაგრამ ასეთი მიდგომით მესაქონლეობა რომ კიდევ უფრო განადგურდება,ცხადია.
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?