ჩენგ ლეს შინაური ბინადარი - მდედრი გიგანტური სკოლოპენდრა წარმოშობით პერუდან არის.
ბიჭს 43 სმ. სიგრძის მწერის სრულებით არ ეშინია. მიუხედავად იმისა, რომ გიგანტური სკოლოპენდრა შხამიანია და ადამიანისთვის საშიშროებას წარმოადგენს, ჩენგ-ლის ის ხელშიც აჰყავს. სტუდენტის თქმით, ეს მისი პირველი სკოლოპენდრა არ არის, რომელიც სახლში ჰყავს.
ჩენგ-ლის ძალიან უყვარს ფეხსახსრიანები, ამიტომ შხამიან და აგრესიულ მტაცებელს პრობლემა არ აქვს, მის სხეულზე "ისეირნოს" და პატრონის ხელიდან საკვები მიირთვას. უნდა აღინიშნოს, რომ სტუდენტი მას კატის საკვებს აჭმევს.
ასე იკვებება გიგანტური მწერი პატრონის მიწოდებული საკვებით
ჩენგ-ლი გვაფრთხილებს, რომ სკოლოპენდრა შხამიანი და აგრესიული მტაცებელია ტუჩფეხიანების რიგისა და მასთან მოქცევას გამოცდილება სჭირდება. "ჩემი ოთახის მეგობარი ისეთივე გიჟია, როგორც მე - მასაც ჰყავს თავისი შხამიანი შინაური ცხოველი. ჩემი სკოლოპენდრა ყოველთვის მშვიდია და მასთან მოქცევა დიდ სირთულეს არ წარმოადგენს, თუმცა, მისი სახლში ყოლის გამოცდილება და ცოდნა აუცილებელია, რათა ცხოველს ჯანმრთელობა შეუნარჩუნოთ."
შხამიანი სკოლოპენდრას ნაკბენი იწვევს მტანჯველ ტკივილს, გამონაყარს, გულისრევას და ცხელებას. მისი ნაკბენი იმდენად შხამიანია, რომ მას შეუძლია თავისზე 15-ჯერ დიდი ნადავლი მოკლას.
ასევე იხილეთ:
არ შეშინდეთ, მათ იციან რასაც აკეთებენ
ბიჭმა პირი გააღო და ვერ წარმოიდგენთ, რა გამოცოცდა
5 ცხოველი, რომლებიც ზებუნებრივ ძალებს ფლობენ და ეს სრულიად რეალურია