თვითმხილველმა კორიდის იმპროვიზაციის კადრები ვიდეოზე გადაიღო.
ბიზონი, რომელიც დაახლოებით 900 კილოა, "ტორეადორის" მიმართულებით გაიწია,
თუმცა, საბედნიეროდ, ცხოველმა მის მიმართ ინტერესი მალევე დაკარგა.
იელოუსტოუნის ეროვნული პარკის წესების მიხედვით, დამთვალიერებლებს ბიზონთან და ლოსთან მისვლა 20 მეტრზე ახლოს ეკრძალებათ, ხოლო მგლებთან და დათვებთან - 90 მ-ზე ახლოს.
"იელოუსტოუნის ტერიტორიაზე ველური და არაპროგნოზირებადი ცხოველები ბინადრობენ, მიუხედავად იმისა, თუ რამდენად მშვიდად გამოიყურებიან ისინი. ცხოველებისთვის უზრუნველყოფილი უნდა იყოს სივრცე, როდესაც ისინი იმყოფებიან გზის ბილიკთან, ავტო სადგომთან ან სხვა უბნებში. თუ მათგან დისტანციის დაცვა არ შეგიძლიათ, დატოვეთ პარკი და იპოვეთ ალტერნატიული მარშრუტი", - წერია პარკის შესასვლელთან განთავსებულ ბანერზე.
ვიდეოს სოციალურ ქსელში მილიონზე მეტი ნახვა აქვს.
მოგვიანებით, ცნობილი გახდა, რომ აშშ-ს პოლიციამ 55 წლის რაიმონდ რეინკე ბიზონის მიმართ უდიერად მოპყრობის ბრალდებით დააპატიმრა. ამის შესახებ ინფორმაციას "Fox News"-ი ავრცელებს.
წყარო: dailymail
ასევე იხილეთ:
მამაკაცი დათვების გალიაში გადაძვრა და ცხოველს თავს დაესხა
სპილომ მომაბეზრებელი ტურისტები ტერიტორიიდან გაყარა
საფარი-პარკში მშობლებმა ბავშვი მანქანიდან გადმოიყვანეს და გადაწყვიტეს ავაზასთან სელფის გადაღება