ფრანგების ოჯახმა (სამი ზრდასრული და ორი ბავშვი) პარკის ცენტრში მანქანა გააჩერეს და გადმოვიდნენ, რათა ენახათ, თუ როგორ ისვენებდნენ ავაზები და ფოტოებიც გადაეღოთ. თავიდან ყველაფერი მშვიდად იყო, თუმცა, შემდეგ ოჯახმა მანქანა მოშორებით გააჩერა. ისინი სასეირნოდ და ფოტოების გადასაღებად ტერიტორიაზე გადმოვიდნენ. ავაზებმა, რომლებიც რამდენიმე წუთით ადრე მშვიდად ისვენებდნენ, მიმზიდველ ნადავლზე ნადირობა გადაწყვიტეს. ეს კატები ყველაზე სწრაფი ძუძუმწოვრები არიან.
ტურისტებმა მტაცებლები ბოლო წუთებში შეამჩნიეს. ქალმა ბავშვი სწრაფად აიყვანა და ავაზების ტერიტორიიდან გაგდებას ცდილობდა. თავის გადასარჩენად, ყველა მათგანი ავტომანქანისკენ გაიქცა.
ადამიანები, რომლებიც ინციდენტს ვიდეოზე იღებდნენ, გაოცებულნი იყვნენ ნანახით და მთელი ემოციით გამოხატავდნენ ნერვიულობას. საბედნიეროდ, არავინ დაშავებულა. პარკის წარმომადგენლებმა კიდევ ერთხელ შეახსენეს ტურისტებს უსაფრთხოების წესები.
"ჩვენ სხვადასხვა ენაზე ვაფრთხილებთ პარკის დამთვალიერებლებს, რომ მანქანა არავითარ შემთხვევაში არ დატოვონ, როდესაც ნაკრძალის ტერიტორიაზე არიან."
ასევე იხილეთ:
ცნობისმოყვარე ჯიქი ტურისტს ფეხსაცმელზე დასწვდა
სპილომ მომაბეზრებელი ტურისტები ტერიტორიიდან გაყარა
საფარი-პარკის მფლობელმა ლომები კატებივით "ფლოსტით" დააფრთხო