მამაკაცი დილით სამსახურში წასასვლელად გაემზადა, მანქანის გამოსაყვანად ავტოფარეხში შევიდა და უეცრად იგრძნო, რომ მას რაღაც უთვალთვალებდა. ინტუიცია გამართლდა, მას მართლაც უთვალთვალებდნენ.
ავსტრალიელმა ჭერში აიხედა და დაინახა უზარმაზარი პითონი, რომელიც ზევიდან მშვიდად აკვირდებოდა. ალბათ ცოტა თუ მოიძებნება ისეთი ადამიანი, რომელსაც გველების არ ეშინია, თუმცა, აღმოჩნდა, რომ მამაკაცს ფობიური გველების შიში - ოფიდიოფობია ჰქონდა. მოულოდნელი სტუმრის ხილვისას, ის შოკში იყო - არ შეეძლო მოძრაობა და მანქანაში
რამდენიმე წუთში მან ძალები მოიკრიბა და დაუკავშირდა გველების დამჭერ ორგანიზაციას. ნახევარი საათის შემდეგ შემთხვევის ადგილზე სპეციალისტი სტივ ლელორი მივიდა. მისი თქმით, ორმეტრიანი პითონი ადამიანისთვის საშიშროებას არ წარმოადგენდა, რადგან ქვეწარმავალი 5 კგ-მდე ცხოველს თუ მოერეოდა, ადამიანზე რომ აღარაფერი ვთქვათ.
უდავოა, ავსტრალიელი მამაკაცი ამ ფაქტმა ვერ დაამშვიდა.
სპეციალისტმა პითონი დაიჭირა და უსაფრთხო ადგილზე გაუშვა, რადგან მისი მოკვლა ავსტრალიის კანონის მიხედვით მხოლოდ გამოუვალ მდგომარეობაშია შესაძლებელი.
ასევე იხილეთ:
მამაკაცი აუზში პითონთან ერთად ნებივრობს
პითონი, რომელიც 4 ბავშვთან ერთად ვეტერინარის ოჯახში ცხოვრობს
ძაღლმა კატები 5-მეტრიანი პითონის თავდასხმისგან გადაარჩინა