19 წლის ჯოშუა ჰაიდენი თავის ძმასთან ერთად მანქანით კეპლერბერინის ახლოს ნადირობდა. ჰაიდენის თქმით, მან სამი კენგურუ შენიშნა და ფანჯრიდან სასროლად თავი გამოყო. ამ დროს ერთი კენგურუ თვალს მიეფარა. სანამ ჰაიდენი დანარჩენ ორს უმიზნებდა, მოულოდნელად მესამე კენგურუ თავს დაესხა. ცხოველმა ისეთი სიძლიერით დაარტყა მანქანას, რომ ფანჯარა ჩაამტვრია, შემდეგ კი ჰაიდენი ნოკაუტში ჩააგდო.
”ის ფაქტობრივად დაეჯახა ავტომანქანას, ჩაამტვრია ფანჯარა, მერე კი უკან გადახტა და ყბაში ჩამარტყა”, -
დარტყმისგან ახალგაზრდამ გონება დაკარგა. ის საავადმყოფოში გადაიყვანეს. ექიმები აღნიშნავენ, რომ ახალგაზრდა მამაკაცის სახე ძალიან დასივდა და ”კენგურუს ქმნილების” ოპერაციით მოგვარება ჯერჯერობით არ გამოვა. ექიმებს 10 დღე მოცდა მოუწევთ.