"მეგობარმა მეგობრის სიცოცხლე გადაარჩინა!" შესაძლოა, ასეც ვუწოდოთ ემოციურ ისტორიას, რომელიც ჰავაის წყლებში ფოტოგრაფმა ბიტომ კორნერომ შემთხვევით გადაიღო.
რას ხედავთ ფოტოზე? თუ გგონიათ, რომ წყლის ცხოველები თამაშობენ ან ჩხუბობენ, ცდებით.
სინამდვილეში სელაპი გასაჭირში მყოფ მეგობარს ეხმარება.
კუმ საკვების მოსაპოვებლად ღრმა წყლებისკენ გაცურა, თუმცა, "სადილი" ცუდად დამთავრდა - ის ბადეში გაება. ცხოველს უკანა კიდურებსა და თავზე ბადის ნარჩენები შემოეხვია. ის გაჭირვებით მოძრაობდა და ფსკერისკენ იძირებოდა.
სელაპი ეხუტება წყლის
"საფრთხეში მყოფმა არსებამ სელაპის დახმარება მშვიდად მიიღო. ის გრძნობდა, რომ გვერდით ჰყავდა მეგობარი, რომელიც ეხმარებოდა", - ამბობს ფოტოგრაფი.
გამოუვალი სიტუაციის ხილვისას ფოტოგრაფმა სამაშველო სამსახური გამოიძახა. დახმარების მოსვლამდე, 20 წუთის განმავლობაში, სელაპი სიტუაციას აკონტროლებდა და მეგობარს ჩაძირვის საშუალებას არ აძლევდა.
შემთხვევის ადგილზე მისულმა მაშველებმა ზღვის ცხოველი გაათავისუფლეს. როდესაც სელაპი დარწმუნდა, რომ კუს საფრთხე აღარ ემუქრებოდა, წყლის სიღრმისკენ გაცურა.
"სელაპმა შესაძლოა ჩათვალა, რომ მისი ვალი გადახდილია. იგი დაემშვიდობა კუს და გზა განაგრძო", - ამბობს ფოტოგრაფი.
ასევე იხილეთ:
ძაღლმა უსახლკარო მეგობარს საკუთარი პლედი აჩუქა
ლაბრადორი ერთგული მეგობრობის ნიშნად ყოველდღე აკითხავს მეზობელ ჰასკის და ამშვიდებს
"დამელოდე, მე დავბრუნდები!" შეყვარებული გედების ემოციური შეხვედრა