ჩვენ შევკრიბეთ პატარა მტაცებლების ფოტოები, რომლებიც მომავალში გადაიქცევიან საშიშ და სასტიკ არსებებად, თუმცა, ჯერ ისინი საოცრად ნაზი და საყვარელი ცხოველები არიან.
ჯიქი
ჯიქი თავისუფლად გადაადგილდება ხეებზე, სადაც ისვენებს ან მაიმუნებს უსაფრდება, თუმცა, ეს მტაცებელი ძირითადად მიწაზე ნადირობს - უჩუმრად ეპარება ნადავლს და თავდასხმის მიზნით, დიდ ნახტომს აკეთებს.
დათვი
დათვის ნაშიერი ძალიან პატარა - კილოგრამზე ნაკლები იბადება, თუმცა, ნახევარ
მგელი
მგელს საოცრად მეტყველი გამოხედვა აქვს. სპეციალისტები ასხვავებენ 10-ზე მეტ მიმიკას: განრისხებული, აღშფოთებული, სითბოს გამომხატველი, მხიარული, შეშინებული, მშვიდი, დამფრთხალი, მიმნდობი, დათრგუნული.
ალიგატორი
ალიგატორს ნადირობისას ხელს უწყობს საოცარი მოთმინების უნარი. მას შეუძლია ნადავლს წყლის ქვევიდან საათობით უთვალთვალოს, სანამ თავს დაესხმება.
ევრაზიული ბუ (ზარნაშო)
თუ ფხიზელი ძილი გაქვთ, შეიძლება, ზარნაშოს შეგადაროთ. უმნიშვნელო ხმაც კი საკმარისია, რომ ევრაზიულმა ბუმ გაიღვიძოს, რადგან ის ნადირობისთვის ყოველთვის მზადაა.
აფთარი
აფთრების ხროვას უნარი აქვს, ლომებს წინააღმდეგობა გაუწიოს, რათა ნადავლი დაიცვას. მათ პრაქტიკულად ნებისმიერი ცხოველის დაჭერა და ჭამა შეუძლიათ დაწყებული პატარა ანტილოპებით, დამთავრებული კამეჩებითა და ახალგაზრდა ჟირაფებით.
ვეფხვი
ჩვეულებრივ, ვეფხვები სხვა ცხოველების მისამართით ხმიანობას არ გამოსცემენ, მაგრამ თავიანთ მოძმეებთან დიდ მანძილზეც კი ღმუილით ურთიერთობენ. თუ ეს მტაცებელი თავდასხმას გადაწყვეტს, იგი ფშვინავს და ყრუ ხმებს გამოსცემს.
მელია
მელიები კარგი მშობლები არიან. ხვადები აქტიურ მონაწილეობას იღებენ პატარების აღზრდისას. მეტიც, ისინი ძუს პატრონობენ, სანამ მათი ნაშიერები ქვეყანას მოევლინებიან.
ორბი
ეს ბარტყი ჯერჯერობით ვერ დაფრინავს, მაგრამ მალე მას შეეძლება წარმოუდგენელი სიმაღლიდან სამყაროს გადმოხედოს.
ავაზა
ეს კნუტი სულ რაღაც 2 დღის დაბადებულია, მაგრამ ორი წლის შემდეგ მას შეეძლება 120კმ/სთ. სიჩქარე განავითაროს.
თეთრი დათვი
დაბადებისას თეთრი დათვის ბელი 500 გრამამდე იწონის, თუმცა, ზრდასრულ ასაკში ის ერთ-ერთი ყველაზე დიდი და საშიში ცხოველია დედამიწაზე.
ლომი
ლომის გარეგნობის ერთ-ერთი დამახასიათებელი ნიშანი კუდის ბოლოს ფუმფულა "ფუნჯია", რაც ბოკვერს დაბადებიდან 5 თვეში ეზრდება.