სურათზე აღბეჭდილია ორი გარეული ცხოველი, რომლებიც ბრბოს გაურბიან. მამაკაცები სპილოებს "ცეცხლის წვიმებით" სოფლიდან დევნიან.
ფოტო, სახელად "ჯოჯოხეთი აქ არის", გადაღებულია ველური ბუნების ფოტოგრაფის ბიფლაბ ჰაზრას მიერ დასავლეთ ბენგალში (ინდოეთი). მოგვიანებით იგი ჟურნალ "Sanctuary"-მ გამოაქვეყნა.
"მსგავსი კონფლიქტი თითქმის ყოველდღიურად ხდება", - ამბობს ველური ბუნების საერთაშორისო ფონდის ხელმძღვანელი კრისტი უილიამსი, რომელიც დაკავებულია რეგიონში ბინადარი სპილოების გამოკვლევით.
მისი თქმით, ადგილობრივი მცხოვრებლები სპილოებს ავიწროებენ და
"პატარა სპილო შეშინებული გარბოდა, რათა თავი დაეღწია მამაკაცების ბრბოსგან. ისინი ცხოველებს მაშხალებსა და სხვადასხვა ასაფეთქებელ საშუალებას ესროდნენ", - ამბობს უილიამსი.
ადგილობრივი მცხოვრებლები ამ ფაქტს შემდეგი მიზეზით ხსნიან: "სპილოები ანადგურებენ მოსავალს, ზიანს აყენებენ მიწებს და კლავენ უდანაშაულო ადამიანებს."
სპეციალისტების თქმით, ბოლო წლების განმავლობაში, ამ ტერიტორიაზე სპილოს მიერ ადამიანის მოკვლის ფაქტი არ დაფიქსირებულა.
რა ბედი ეწიათ დედა სპილოსა და მისი ნაშიერს ცნობილი არაა...
ასევე იხილეთ:
სპილო ძლიერი ტკივილისგან ხეს თავით ეჯახებოდა... მიზეზი 2 დღის შემდეგ გაირკვა
დაობლებულ პატარა სპილოს ნაკრძალში შესვლისას სპილოების გუნდი მიეგება
სულისშემძვრელი ფოტო - დედა სპილოს სამუდამო დამშვიდობება შვილთან... "ისინი ერთმანეთს ვეღარასოდეს შეხვდებიან"
