მსოფლიოში ყველაზე ასაკოვანი კუ ჯონათანია, რომელიც წმინდა ელენეს კუნძულზე ბინადრობს. გამოცემა "the Sun"-ის წყაროზე დაყრდნობით, რეპტილია 186 წლისაა. ის კუნძულზე 1880 წელს წმინდა ელენეს გუბერნატორს საჩუქრად მიუყვანეს.
გიგანტური კუს სახეობა ცნობილია ხანგრძლივი სიცოცხლისუნარიანობით, მაგრამ ჯონათანის ასაკამდე ჯერ არცერთ მის სახეობას არ მიუღწევია.
მისი პირველი ფოტო
ასაკის მატებასთან ერთად ჯონათანს განუვითარდა კატარაქტა და ის პრაქტიკულად ვეღარ ხედავს, თუმცა, მისი ვეტერინარის - ჯო ჰოლინსის თქმით, ცხოველს ნორმალური სმენა აქვს.
კუნძულის მცხოვრებლებს დიდი იმედი ჰქონდათ, რომ ჯონათანსა და ფედერიკას შთამომავლობა ეყოლებოდათ და სახეობის პოპულაციას მოახდენდნენ, მაგრამ წლები გადიოდა და წყვილს შვილები არ გაუჩნდა.
ერთ დღეს ფედერიკამ ბაკანი დაიზიანა და როდესაც მას ვეტერინარები მკურნალობდნენ, დაუჯერებელი რამ აღმოაჩინეს - ფედერიკა "ფრედი" აღმოჩნდა.
საქმე ისაა, რომ კუს არ აქვს სქესის მკვეთრი განმასხვავებელი ისეთივე ნიშნები, როგორც მაგალითად კატას, ძაღლს ან სხვა ცხოველს. კუს სქესის ამოცნობა ხდება მუცლის ფორმით და დაბზარული ბაკნის მიხედვით. ამიტომ, კუს სქესის განსაზღვრა საკმაოდ რთულია.
ვეტერინარები ვარაუდობენ, რომ ფედერიკა მამრია ისევე, როგორც ჯონათანი, თუმცა, ზუსტი პასუხი ამ დრომდე არ იციან.
თუ სპეციალისტები არ ცდებიან, წყვილის შთამომავლობის საიდუმლოს ამოხსნილია. გაურკვეველია, როგორ მიიღებენ ამ ფაქტს ადგილობრივი მცხოვრებლები, რადგან ისინი ამაყობდნენ ამ არსებებით და დიდი ინტერესით ელოდებოდნენ მათი ნაშიერების დაბადებას.
ასევე იხილეთ:
მეცნიერების აღმოჩენა: "გრენლანდიური ზვიგენი 400 წელი ცოცხლობს"
მსოფლიოში ყველაზე ასაკოვანმა კატამ ოპერაცია წარმატებით გადაიტანა და ცხოვრებას ბედნიერი აგრძელებს