ახალი სამსახურის დაწყებისთანავე, ველოდებით გარკვეულ სირთულეებს, რადგან ეს ყოველთვის დაკავშირებულია ახალ კოლექტივთან, რომელსაც უნდა შევეჩვიოთ. თუმცა, ზოგჯერ მოულოდნელი და გაუთვალისწინებელი შემთხვევებიც ხდება. 

უნდა აღინიშნოს, რომ  ვიდეოს გმირი ახალ სამუშაოს პირველ დღესვე საუკეთესოდ გაუმკლავდა, მაგრამ რა ფასად დაუჯდა ეს?

გოგონამ მოირგო სამუშაო ფორმა, ფოთლების მოსაგროვებლად კალათითა და დიდი ცოცხით "შეიარაღდა". პანდების სამყოფელში კარი შეაღო და უეცრად მას თავს დაესხნენ. რთულია ამის სიტყვებით გადმოცემა, უკეთესია იხილოთ ვიდეო.



პანდებთან დიდხანს ჭიდაობის შემდეგ, გოგონამ სამართლიანად გაიმარჯვა.

პანდა მშვიდი ცხოველია, რომელიც ბამბუკის ტყეებში იმალება, მაგრამ ვიდეოში ასახული პატარა ცხოველები გამორჩეულად მეგობრულები და კონტაქტურნი არიან, ამიტომ ვიდეო რგოლი ნამდვილად სახალისო გამოვიდა.



პატარა პანდები თამაშის მოყვარულნი არიან. ადამიანების მიმართ აგრესიას არ გამოხატავენ და მეტიც, შეიძლება, მომვლელი მშობლად ჩათვალონ. ამ ცხოველმა ადამიანს შესაძლოა მხოლოდ თამაშის დროს უკბინოს ან დაკაწროს, მაგრამ გაცნობიერებულად ტკივილს არასოდეს მიაყენებს. ისევე როგორც სხვა ცხოველები, პანდებიც ბრაზდებიან, როდესაც საკუთარ ტერიტორიაზე უცხოს ხედავენ.



ახალგაზრდა პანდა აქტიურია, მაგრამ 3-4 წლიდან ზარმაცდება და ზანტი ხდება. მას შეუძლია საათობით იჯდეს და ბამბუკის ფოთლები ნელი მოქმედებით ღეჭოს.



სამწუხაროდ, პანდა ტყვეობაში 13-14 წელი ცოცხლობს, მაგრამ რამდენ ხანს ცოცხლობენ თავისუფლებაში, ამ ეტაპზე ცნობილი არ არის.

ასევე იხილეთ: 

სასაცილო შემთხვევა ზოოპარკში - კლოუნს გორილას ფორმა ჩააცვეს ... მსგავს დასასრულს არავინ ელოდა

ციხიდან გაქცევა: პატარა პანდების გაპარვის ყველაზე საყვარელი გეგმა

პატარა პანდას სასაცილო ქცევებმა ინტერნეტ სივრცე დაიპყრო