სინამდვილეში, მწერების უმეტესობა, რომლებიც ჩვენ გარშემო ბინადრობს, უვნებელია და მათ ადამიანის უფრო მეტად ეშინიათ. მაგალითად, ობობა კიდევ ერთი "მონსტრია", რომლის ხილვაც ბევრისთვის შიშისმომგვრელია.
ობობები, რომლებიც ყოველდღიურ ცხოვრებაში გვხვდება, ადამიანისთვის საშიშროებას ნაკლებად წარმოდგენს, მაგრამ არსებობენ შხამიანი სახეობები, რომელთა ნაკბენიც სასიკვდილოდ საშიშია.
რამდენიმე ხნის წინ შემთხვევით უძველესი სახეობის ობობა იპოვეს.
ჩინელი ფერმერი ლი ვენჰუა საკუთარ ბაღში ფორთოხალს უვლიდა, როდესაც უნიკალური გარეგნობის ობობა
ლიმ უცნაური მწერი დაიჭირა და მეზობლებს აჩვენა. ადამიანები გაოცებულნი იყვნენ, მსგავს არსებას ისინი პირველად ხედავდნენ.
ფერმერი ობობის წარმომავლობით დაინტერესდა და ინფორმაცია ინტერნეტში მოიძია. ლი აღწერილობით მიხვდა, რომ ეს უცნაური არსება "ციკლოკოსმია" (Cyclocosmia truncate) იყო.
ციკლოკოსმია დიდად არ გამოირჩევა სხვა ობობებისგან. ის ცხოვრობს მიწის ქვეშ გაკეთებულ ფუღუროში და ნადავლისთვის მოიპოვებს იმ მწერებს, რაც მის გარშემო ბინადრობს.
ჩინეთში მდებარე მწერების მუზეუმის დირექტორმა ჩაო ლიმ ფერმერის ეჭვები დაადასტურა და აღნიშნა, რომ ბაღში ნაპოვნი ობობა ნამდვილად იყო უძველესი სახეობა, რომელიც დღევანდელობაში ადამიანის თვალს იშვიათად ხვდება.
სპეციალისტებმა მის შესახებ ცოტა რამ იციან. ის 2000 წელს ჩინეთის პროვინცია სიუჩუნში აღმოაჩინეს, მას შემდეგ დღემდე ეს სახეობა სულ 6-ჯერ ნახეს.
"ეს ობობა სამეცნიერო კვლევებისთვის ძალიან მნიშვნელოვანია. იგი იშვიათობას წარმოადგენს პროვინცია სიუჩუნში. რამდენიმე წელია, ვეძებ მას, თუმცა, ამ დრომდე არასოდეს მინახავს. ის თითქოს მოუხელთებელია", - ამბობს მწერების ექსპერტი.
პირველად ციკლოკოსმია მოხსენიებული იყო ძველ ჩინურ ლექსიკონში, რომელიც ჩვ.წ. აღ.-მდე მე-2 საუკუნით თარიღდება.
ფერმერმა გადაწყვეტილებით, ბაღში ნაპოვნი არსება გადაეცა "მწერების ექსპერტს", რომელიც მას შეისწავლიდა.
შესაძლოა, არაერთი კოლექციონერი და სპეციალისტი ისურვებდა ამ არსების პოვნას, რადგან ობობა თავისი უნიკალური გარეგნობით ყველას გაოცებას იწვევს.
ასევე იხილეთ:
ჰიბრიდი ცხოველები - ისინი სინამდვილეში არსებობენ
ის უიშვიათესი ზვიგენის სახეობას წარმოადგენს
ამ კადრების გადასაღებად რამდენიმე წელი ნადირობდნენ. გაიცანით მოუხელთებელი უდაბნოს კატა!